100 گرتيێن ئێزدی رزگار بوون
باسنيۆز:
رێڤەبەرێ نڤیسینگەها كاروبارێن رەڤاندیان ل پارێزگەها دهۆكێ دیاركر هەر ژ رۆژا ئوپەراسیۆنا رزگاركرنا مووسل دەستپێكری هەتا نها پتر ژ 100 كەسێن ئێزدی ژ دەستێن رێكخراوا تیرۆرستێ داعش ب ریێا نڤیسینگەها رەڤاندیان یا گرێدایی سەر نڤیسینگەها سەرۆكێ حكومەتا هەرێما كوردستانێ ڤە رزگار بووینە، ئوپەراسیونا رزگاركرنا مووسل ئێك رەڤاندی ئێزدی هیشتا رزگارنەكریە.
حسێن قائێدی، رێڤەبەرێ نڤیسینگەها كاروبارێن رەڤاندیان ل پارێزگەها دهۆكێ بۆ(باسنیوز) دیاركر گەلەك گۆند وكۆمەلگەه و قەزا و ناحێن و گەرەكێن مووسل هاتنە كونترولكرن پتر ژ هەیڤەكێ ب سەرڤە چوو هەتا نوكە مە نەدیتیە ئێك كەسی رەڤاندی ژلایێ ئوپەراسیونا مووسلێ ڤە هاتیە رزگاركرن پتر ژ 100 رەڤاندیان ب رییا نڤیسینگەها كاروبارێن رەڤاندیان ل دهۆكێ هەر ژ دەستپێكا ئوپەراسیونا مووسل هەتا قورتالكرینە.
گۆتژی:” مەترسیی هەیە ئەو سیناریویا ل باژێری فەللوجە روودایی ل مووسلێ ژی هەمان سیناریو بهێتە دانان بۆ رەڤاندیێن ئێزدی مە پێزانێن هەبوون ل فەللوجە رەڤاندیێن ئێزدی هەبوون دەمێ هاتیە رزگاركرن ئێك رەڤاندی نەهاتە دیتن”.
ل رۆژا 3/8/2014 پتر ژ 7 هزار وەلاتین ئیزدی هاتنە رەڤاندن و كوشتن و هەتا نوكە پتر ژ سیی هزار رەڤاندیێن ئێزدی دەستین تیرۆرستین داعشێ دا ماینە.
تُتاح هذه الصورة أيضا في: کوردی