نەخۆشیەكا پیستی ل شنگالێ بەلاڤ دبت
تۆرا لالش یا راگەهاندنێ
نەخۆشیا پیستی(حبە بغداد leishmaniasis) ل قەزا شنگالێ بەلاڤ دبت و رۆژ بۆ رۆژێ بەرەف زێدەبوونێ ڤە دچت،چارەسەری بۆ هەموو حالەتێن برینداران نینە و بانگەوازی دئێتە كرن بۆ هاریكاریكرنا بنگەهێن ساخلەمیێ و نەخۆشخانا سنوونێ یا گشتی.
سلێمان فانۆ،ئەندامێ جڤاتا ناوچەدارییا سنوونێ بۆ رۆژناما دەنگێ لالش خویاكر:”رۆژ بۆ رۆژێ نەخۆشیا پیستی(حبە بغداد leishmaniasis)دناڤبەرا خەلكێ دا ل شنگالێ یا زێدە دبت،چارەسەری بۆ هەموو حالەتێن بریندار نینە،بانگەوازیێ ژ ساخلەمیا نەینەوا دكەین ب ئەركێ خۆ رابن هەمبەری برینداران ئەوێن هەموو سەرەدانا بنگەهێن ساخلەمیێ دكەن و ب تایبەت نەخۆشخانا سنوونێ یا گشتی و رێڤەبەریا گشتی یا ساخلەمیا پارێزگەها دهۆكێ كو كێمتر خەم نەبوویە بۆ هاریكاریكرنا نەخۆشخانێ”.
فانۆ تەكەز كر كو ل سەر بەرپرسێن ئێزدیان ب سەكنن ل سەر چارەسەركرنا ڤی حالەتی بۆ فشاركرنێ ل سەر جهێن شۆلەژێ بۆ دابینكرنا دەرمانێن تایبەت،هەروەسا رێكخراوێن مرۆڤایەتی هاریكاریا نەخۆشخانا سنوونێ یا گشتی بكن بۆ ڤی باری وەك حالەتەكێ مرۆڤایەتی.
تُتاح هذه الصورة أيضا في: کوردی