چالاكڤانەكا ئێزدی:پێتڤیە مەلبەندەكێ چاڤدێریێ بۆ زارۆكان ل كەمپان بێتە دروستكرن
تۆرا لالش یا راگەهاندنێ
چالاكڤانا ئێزدی”ناڤین سمۆقی”راگەهاند:”زارۆكێن ئێزدیان بوونە قوربانیێن كارەساتا رەشا ب سەر شنگالێ دا هاتی،پێتڤیە ل سەر حكوومەت و رێكخراوێن مافێ مرۆڤان زوو ب هانا زارۆكێن دناڤ كەمپان دا بێن و ب تایبەت یێن ئێتیم و سێوی و مەلبەندەكێ چاڤدێریێ بۆ وان و خێزانێن وان دروست بكن”.
سمۆقی بۆ رۆژناما دەنگێ لالش ئاشكەراكر:”رێكخراوا تیرۆرستی یا داعش زارۆكێن ئێزدیان گرتن و ئێخسیركرن و لگۆری شەریعاتا خۆ پەروەردەكرن و كوشتن و هندەك زارۆك هەتا نۆكە ب خێزان ڤە ووندا بوون چ تشت ژ وان نەیی دیارە و چ تشت نینە ب ناڤێ مافێ زارۆكان،چنكو زارۆكێن بێ گونەهێن ئێزدیان ل دەست پێكا فەرمانا شنگالێ ژ تێنا و پرچا مرن و نۆكە ژی دناڤ خیڤەتان دا درەوشەكا خرابا ژیانێ دانە و بێ بەهرن ژ دلۆڤانی و هاریكاری و پەروەردەو فێركرنێ،لەورا پێتڤیە ل سەر حكوومەت و رێكخراوێن مافێ مرۆڤان زوو ب هانا زارۆكێن دناڤ كەمپان دا بێن و ب تایبەت یێن ئێتیم و سێوی و مەلبەندەكێ چاڤدێریێ بۆ وان و خێزانێن وان دروست بكن وئەو زارۆكێن ژ دەستێ داعش ئازاد دبن تاكو هزرا داعش ل سەر وان نەمینت پێتڤیە بەردەوام ل بن چاڤدێریا نۆژدارێن دەروونی دە بت،هەتا كو بگرتە دناڤ جڤاكێ ئێزدی دە”.
تُتاح هذه الصورة أيضا في: کوردی