ل دێرەبوونێ زارۆكەكێ ئاوارە چاڤێن وی نابینا دبن
تۆرا لالش یا راگەهاندنێ
ئەلند قائید،زارۆكەكێ چار مەهی یێ ئاوارەیێن شنگالێ یە ل دێرەبوونێ دژیت ب ئەگەرا كەتنا پارچەكا گۆشتی ل سەر تۆرا چاڤێن وی هەردوو چاڤێن خۆ ژ دەست داینە و نابینا دبن،ب سەدەما هەژاری و دەست كورتیا خێزانا وی ژی پێتڤی ب هاریكارییا دراڤینە،كو نشتەگەریەك بۆ چاڤێن وی بێتە ئەنجامدان.
بابێ ئەلندێ نابینا ” قائید درویش “بۆ رۆژناما دەنگێ لالش گۆت:”پشتی مە زانی كورێ مە ئەلند چاڤێن وی رۆناهیا دنیایێ نابینن و مە برە نەخۆشخانا دهۆكێ و پشكنین ژلایێ نۆژداران ڤە بۆ هاتنە كرن ،دیاربوو كو پارچەكا گۆشتی كەتیە سەر هەردوو چاڤێن وی و دنیایێ پێ نابینت ،نۆژدارا دیاركر كو ل دهۆكێ چارەسەریا چاڤێن وی نینە وناڤ ونیشانێ نەخۆشخانەكا چاڤان ل هەولێرێ یە دانە مە گۆتن دڤێت ل وێدەرێ بێتە چارەسەركرن ،مە پەیوەندی ب وێ نەخۆشخانێ كر ل هەولێرێ ژبەر بهایێ نشتەگەریێ وەسا دیاركرن كو گوژمەكێ دراڤێ مەزن دڤێت , ڤێجا ئەم ژی ئاوارەنە و هەژارن ئەو گوژمێ وان دیاركری مە ل بەردەست نینە و مە پێ چێنابت”.
قائیدی گۆتژی داخوازێ ژ حكوومەتا هەرێمێ و هەموو رێكخراوێن مرۆڤایەتی و خێرخوازان دكەین، خوە ل ئەلند بكەنە خودان و هاریكاریا مە بكن ،ژبۆ هندێ نشتەگەریەك بۆ چاڤێن وی بێتە ئەنجامدان.
تُتاح هذه الصورة أيضا في: کوردی