شنگال.. رێكخراوەك دێ چار هزار خانیان ئاڤا كەت
باسنيۆز:
رێڤەبەرێ ناحیا سنوونێ دیاركر ل ناحیا سنوونێ 5 هزار خانیێن وەلاتیان هاتینە پەقاندن و وێرانكرن، نۆكە رێكخراوا هبیتات داخواز كریە 4 هزار خانیان ئاڤا بكەت بۆ وەلاتیان ئەم چاڤەرینە دەست پێ بهێتە كرن.
نایف سەیدو، رێڤەبەرێ ناحیا سنوونێ بۆ (باسنیوز) دیاركر هەكە پشتەڤانیا وەلاتیان بهێتە كرن و خزمەتگوزاری بهێنە دابینكرن و مەترسی ل سەر ژیانا وەلاتیان نەمینت دێ هەموو ئاواریێن دەڤەرا سنوونێ ڤەگەرینە سەر مالێن خۆ. هەتا نۆكە بتنێ 8 هزار خێزان یێن ڤەگەریاینە چیای شنگال و سنوونێ.
مەحما خەلیل، قائیمقامی قەزا شنگال بۆ (باسنیوز) دیاركر رێكخراوا هبیتات یا هولەندی بەرهەڤیا خۆ كریە بۆ ئاڤاكرنا چوار هزار خانیان بۆ وەلاتین سنوونێ بتایبەتی بۆ وان خێزانێن خانیێن وان هاتینە پەقاندن. ئەم چاڤەرینە ئەڤ هەژمارا خانیان بهێنە دروستكرن.
قائیمقامی قەزا شنگال گۆت:” بەری دەمەكێ رێكخراوا هبیتات داخوازكربوو خانیان ئاڤا بكەت ل ناحیا سنوونێلێ هەتا نۆكە ب كریار چوو دیارنەبوویە. ئەم چاڤەرینە ئەڤ هەژمارا خانیان بهێنە ئاڤاكرن بۆ خەلكێ سنوونێ وەكو پێنگاڤا ئێكێ بۆ ئاڤادانیا دەڤەرێ و ڤەگەراندنا ئاواران”.
تُتاح هذه الصورة أيضا في: کوردی