باشیک.. کوردێن ئێزدی دەست بزڤرینا سەر مال و مولکێن خۆ کرن
باسنيۆز:
سەرۆکێ جڤاتا قەزا باشیکێ دیارکر ئاوارێن باشیک دەست ب ڤەگەریانا سەر مالێن خوە کرن نوکە سێ خێزانێن کوردێن ئێزدی ڤەگەریانە سەر مال و مولکێن خو ئەڤە دێ بیتە ھاندار پتریا وەلاتیان ڤەگەرینە سەر مالێن خوە ودەست ب ژیانا خوە ئاسایی بکەن.
داسن قەوال سلێمان سڤو، سەرۆکێ جڤاتا قەزا باشیکێ بۆ (باسنیوز) دیارکر: “پشتێ باشیک ھاتیە رزگارکرن وپاقژکرن ژ بومبەیێن تیرۆرستێن داعشێ نوکە خەلکێ باشیک دەست ب ڤەگەریانا سەر مال و مولکێن خوە کرن و سێ خێزان زڤرینە سەر خانێن خو دەست ب ژیانا خو ئاسایی کرن ل دەڤەری و ئەم چاڤەرینە ھێدی ھێدی خەلک بزڤرنە سەر وارگەھێن خوە ئەو خێزانێن خانێن وان ژی ھاتینە پەقاندن ئەم ھەولدەن بھێنە قەرەبوولکرن ب زووترین وەخت ھەتا ئەو ژی بشین جارەکا دێ ئاڤاھیان بۆ ئاکنجیبوونا خو دروست بکەن ڤەگەرینە باشیکێ”.
خۆیا ژی کر: “بەری تێرۆرستێن داعش ھیرشی سەر باشیکێ بکەن ل سالا 2014 ھەژمارا ئاکنجیان ل باشیک 35 ھزار کەس بوون نوکە ھەموو ل ھەرێما کوردستانێ ھاتێنە ئاکنجیکرن”.
تُتاح هذه الصورة أيضا في: کوردی