جڤاتا باشیكێ بانگەوازیەكێ ئاراستەی خەلكێ باشیكێ دكت
باسنيۆز:
سەرۆكێ جڤاتا ناحیا باشیكێ دیاركر بریار هاتە دان هەر وەلاتیەك بڤێت ڤەگەرتە باشیكێ سەر مال و مولكێن خوە هاریكاریا وی بهێتە كرن بۆ دابینكرنا کەل و پەلێن ناڤمالێ و دروستكرنا دەرگەه و پەنچەران.
داسن قەوال سلێمان، سەرۆكێ جڤاتا ناحیا باشیكێ بۆ (باسنیوز) دیاركر:” داخوازێ دكەین وەلاتی بێ ئاگەهداریا ناحیێ و جڤاتا ناحیا باشیكێ نە ڤەگەرنە سەر مالێن خوە چونكو هەر خێزانەكا ڤەگەریتە دەڤەرێ دێ ناڤێ وان هێتە نڤیسین بۆ هاریكاریێ. دێ دۆشەك و بەتەنی و کەل وپەلێن هەمە جۆر یێن ناڤمالێ بۆ وان هێنە دابینكرن و ئەو وەلاتیێن خانیێن وان هاتینە خرابکرن وپەقاندن ژی دێ هەڤكاریا وان هێتە كرن دێ خانیی هێتە سەخبیركرن.دڤان رۆژێن بۆری دا گەلەك رێكخراوێن نێڤدەولەتی سەرا دەڤەرا باشێكێ داینە بۆ هەڤكاریكرنا وەلاتیان”.
خۆیا ژی كر، ل ڤان رۆژان دێ بیرێن ئاڤێ هێنە لێدان بۆ دابینكرنا ئاڤا ڤەخۆارنێ بۆ وەلاتیێن زڤرینە سەر مال و مولكێن خوە. هەتا نۆكە چوار خێزان یێن ڤەگەریاینە دەڤەرێ. هیچ مەترسی ل سەر دەڤەرێ نەمایە.پێشمەرگەی كوردستانێ ئارامیەكا مەزن ل دەڤەرێ دروستكریە.
تُتاح هذه الصورة أيضا في: کوردی