جڤاتا شنگال: پلانەكا تۆكمە بۆ پاراستنا رێيا زۆراڤا و حەردان دئێتە دانان
باسنيۆز:لهزگين جۆقى
سەرۆكێ جڤاتا قەزا شنگال دیاركر پلانەكا تۆكمە هاتە دانان بۆ نەهێلانا دروستبوونا كێشەیان ل سەر رێكا زۆراڤا هەتا دگەهتە حەردان چونكو ل سەر ڤێ رێكێ 80% كێشە بۆ وەلاتیان دروست دبن،نۆكە كار یێ دهێتە كرن خالێن پاراستنا ئیمناهیێ لێ بهێنە دانان هەموو رێك بەر كەسێن خرابكار بهێنە دائێخستن.
وەیسی نایف، سەرۆكێ جڤاتا قەزا شنگال بۆ(باسنیوز) دیاركر:” بەری نۆكە گەلەك روودانێن كوشتن و تەقەكرنێ ل سەر رێكا زۆراڤا-حەردان دروستبوون، لەورا جڤاتا قەزا شنگال رازیبوونا ل سەر دانانا هەژمارەكا خالێن پیشكنینێ كریە ل سەر رێكا زۆراڤا هەتا دگەهتە حەردان وبەرەڤ سنوونێ و شنگال ڤە ئەو رێك هەموو ب تەمامێ بهێنە كونترول كرن، خالێن ئیمناهیێ بهێنە دانان بۆ پتر پاراستنا گیانێ وەلاتیان و نەهێلانا مەترسیێ ل سەر ژیانا وەلاتیان”.
خۆیا ژی كر” پێشمەرگەی كوردستانێ 100% ئارامیێ ل دەڤەرا شنگال دروستكریە. مخابن هندەك دەستێن دەرەكێ یێن خراب هەنە كاردكەن ئارامیێ تێكبدەن لەورا ژی ئەم دێ هەموو رێكا ل بەر پلانێن دوژمنان دائێخن”.
تُتاح هذه الصورة أيضا في: کوردی