ئاشتی برێیا هونەری ل دهۆكێ هاتە نمایشكرن
تۆرا لالش یا راگەهاندنێ/یوسف عەلی
ئەڤ پێشانگەهە ل رێككەفتی 21/1/2017ێ ل هۆلا كالیری ل دهۆكێ هاتە رێكخستن،پشتی ئەنجامدانا دوو ووركشوپێن هەر ئێك بۆ ماوێ پێنج روژان هاتینە ڤەكێشان، تێدا 30 گەنجێن ئاوارە و پەنابەر وخوجه ژ سەنتەرێ پارێزگەها دهۆكێ و قەزا سێمێل و شێخان ودومیز راهێنان ل سەر هونەرێ نیگار كێشیێ كریە ل سەر دەستێ باشترین راهێنەر ل پارێزگەها دهۆكێ مامۆستایێ هۆنەرمەند”سیروان شاكر”.
دڤان ووركشوپان دا تەكەزی ل سەر بابەتێ ئاشتیێ و هەڤگرتنا جڤاكی هاتیە كرن وچەوانیا دەربرین ژ تێگەهێ ئاشتیێ برێیا رەنگان وكەڤالان، ئەڤە نوترین رێیە نۆكە ل جیهانێ دئێتە بكارئینان ژبۆ بەرقراركرن وبربەلاڤكرنا ئاشتیێ و هەڤگرتنا جڤاكی دناڤ جڤاكێن ژ تەخ وچینێن جودا جودا پێكدئێت.
حنیفە عباس،ئێك ژ پشكداران دبێژت:”براستی ئەڤە یەكەم جارە ئەز وێنەیان چێدكەم وب شیوەیەكێ جوان دپێشانگەهەكا هۆسا مەزن دا دئێنە نمایشكرن، سەربۆرەكا نوویە و گەلەك یا خۆشە من مفایەكێ باش ژێ دیتیە و كاری برێیا هندەك كەڤالان ئەو ئاشتیا ئەم پێتڤی نیگار بكەم”.
شمو قاسم،ئەندامێ دەستەیا بلندا بنگەهێ لالش یێ رەوشەنبیری و كۆمەلایەتی كو ئێك ژ مێهڤانێن پێشانگەهێ بوو گۆت :”براستی كەڤالێن جوان هاتینە بەرچاڤكرن، كارێن هۆسا دڤێت بەردەوام بێنە كرن،داكو پتر هزرا ئاشتیێ دناڤ مێشكێ مەدا بێتە چەسپاندن وپتر نێزیكی هەڤ دوو ببین ئەز بخۆ گەلەك كەیف خۆش بووم بڤان كاران هیڤیە بەردەوام بن”.
ئەڤ پرۆژە دێ یێ بەردەوامبت بۆ ماوێ چار هەیڤان و دئەنجامدا دێ 120 گەنج ژ هەردوو رەگەزان فێری شێوازێ دربرین ژ ئاشتیێ برێیا هونەرێ شێوەكاری بن ودێ كەڤالێن وان ئێنە نیشاندان دپێشانگەهێن تایبەت دا.
هەژیە بزانین ئەڤ پروژە رێكخراوا (PODCE) هاوبەش دگەل رێكخروا (IRD)،و ب پشتەڤانیكرنا (ICRRP) كو بەشەكە ژ (UNDP) وهاریكاریا دارایی ژلایێ رێكخراوا (KFW) یا ئەلمانی هاتیە دان.
تُتاح هذه الصورة أيضا في: کوردی