دوو زارۆکێن ئێزدى ژ دەستێ داعشێ هاتنە رزگاركرن
باسنيۆز:لهزگين جۆقى
رێڤەبەرێ نڤێسینگەها كاروبارێن رەڤاندیان ل دهۆكێ دیاركر دو زارۆكێن ئێزدی ژ دەستێن تێرۆرستێن داعش ل دەڤەرا مووسل رزگاربوون. ژیێ زارۆیەكی 5 سالن ویێ دیتر ژی 9 سالن هەردو زارۆك خەلكێ گۆندێ کۆچۆنە.
حسین قائێدی، رێڤەبەرێ نڤێسینگەها كاروبارێن رەڤاندیان ل دهۆكێ بۆ (باسنیوز) دیاركر:” دەرنگیاشەڤا بۆری ب هەڤكاریا خێرخوازان دو زارۆكێن خەلکێ گوندێکۆچۆ ژ دەستێن تیرۆرستێن داعش هاتنە رزگاركرن، هەتا ئەڤرۆ 4/2/2017 ژمارا رزگاربوویێن كوردێن ئێزدی ژ دەستێن تیرۆرستان گەهشتنە پتر ژ 2880 كەسان وهەموو ژی پشتەڤانیا راستەوخو سەرۆكێ حكومەتا هەرێما كوردستانێ هاتینە رزگاركرن”.
گۆندێ كۆچۆ ژ 220 خێزانان پێك دهات پتر ژ 1700 كەسان ، د كارەساتا شنگالێ دا ل تەباخا سالا 2014 تێرۆرستێن داعش هێرشی گوند کرن و د ئەنجامدا سەدان كەس كوشتن و رەڤاندن هەتا نۆكە گۆرین ب كۆم ل گۆندێ كۆچۆ نەهاتینە ڤەكرن وهیشتا پتر ژ 500 وەلاتیێن وی گوندی دیار نینن، 19 وەلاتیێن کۆچۆ ژبن كوشتیان رزگاربووینە و تەرمێ 480 ئافرەتان هێشتا گۆرەكی ب كۆم دانە.
حسێن قائێدی خۆیا ژی كر هەژمارەكا زۆر وەلاتیێن گۆندێ کۆچۆ هەتا نۆكە هاتینە رزگاركرن وهەولێن نڤێسینگەها كاروبارێن رەڤاندیان ب پشتەڤانیا سەرۆكێ حكومەتا هەرێما كوردستانێ بەردەوامن بۆ رزگاركرنا هەموو رەڤاندیان.
تُتاح هذه الصورة أيضا في: کوردی