مەحما خەلیل: دەرکەفتنا پەکەکێ کلیلا ئاڤەدانکرنا شنگالێ یە
WAAR – دهۆک:
دهڤهردارێ شنگالێ خویا کر کو ب دەھان وەلات و رێکخراوێن نێڤدەولەتی سۆز داینە شنگالێ ئاڤەدان بکەن، لێ دەرکەفتنا پەکەکێ کلیلا ئاڤەدانکرنا شنگالێ یە.
مەحما خەلیل دهڤهردارێ شنگالێ دیار کر پەکەکە گەفەکا مەزنە ل سەر ھەموو شنگال و ژیانا وەلاتییان و گۆت: ھندی پەکەکە ل شنگالێ مابیت شنگال ناھێتە ئاڤەدان کرن.
دهڤهردارێ شنگالێ گۆت ژی: گەلەک وەلات و رێکخراوان سۆز داینە کو شنگالێ ئاڤەدان بکەن، لێ ب وی مەرجی پەکەکە و لقێن خوە ل دەڤەرێ نەمینن، چونکی ھەبوونا وان نەئارامییە.
مەحمای ئاشکرا ژی کر کو حکومەتا ھەرێما کوردستانێ ماستەرپلانا ئاڤەدانکرنا شنگالێ دانایه و ھەڤپەیمان ژی ل سەر خەتن بۆ ئاڤەدانکرنێ ل گۆر وێ ماستەرپلانێ.
شنگال دێ بیتە یەکەم قەزا ل سەر ئاستێ ئیراقێ ل سەر نەخشەیەکێ ئەندازەیی بھێتە دروستکرن کو پێنج ئەندازیارێن بسپۆڕ سەرپەرشتییا دارێتنا نەخشەیێ شنگال دکەن.
تُتاح هذه الصورة أيضا في: کوردی