خانەسۆر.. ژبەر پەكەكێ وەلاتیان زارۆكێن خوە ژ قوتابخانەیان دوور كرینە
باسنيۆز:
نوونەرێ خەلكێ خانەسۆرێ ل جڤاتا قەزا شنگال، دیاركر: “خەلكێ خانەسۆرێ ژ بەر مەترسیا پەكەكێ زارۆكێن خوە ژ قوتابخانەیان ئیناینە دەر و نەوێرن زارۆكێن خوە رەوانەی قوتابخانێ بكەن. نۆكە چوو قوتابخانە ل خانەسۆرێ ڤەكری نینن”.
خەیری زیبان، نوونەرێ خەلكێ خانەسۆرێ ل جڤاتا قەزا شنگال، بۆ (باسنیوز) دیاركر: “ل كۆمەلگەها خانەسۆرێ قوتابخانەك هاتبوونە ڤەكرن بۆ زارۆكێن وان خێزانێن ڤەگەریانە سەر مال و حالێ خوە لێ پشتی ئالوزیێن 3/3/2017 ئەو خێزان ڤەگەریان ژ خانەسۆرێ و ئاوارە بوونە ڤە. جارەكا دی زارۆكێن وان ژ خۆاندنێ هاتنە بێ بەهركرن”.
خۆیا ژی كر:” نێزیكی 300 قوتابی ل خانەسۆرێ دخۆاندن لێ نۆكە نەوێرن ڤەگەرن ژ خۆاندنێ بێ بەهر ماینە، ماموستایێن دەڤەرێ یێ هەولدەن جارەكا دی دەست ب پرۆسەیا خۆاندنێ بكەن ل خانەسۆرێ لێ ترس بۆ خەلكێ دروستبووی یا زەحمەت بشێن زارۆكێن خوە ڤرێكەنە خانەسۆرێ بۆ خۆاندنێ”.
خەیری زیبان، گۆت:” خەلك ژ زارۆكێن خوە دترسن قوتابخانەك ل خانەسۆرێ هاتبوو ڤەكرن ژ پۆلا ئێكی بنەرەت هەتا پۆلا نەهی هاتبوو ڤەكرن وقوتابیان بەردەوامی دانە خاندنا خوە لێ نۆكە ئەو قوتابی نەماینە هەموو ئاوارە بووینە دگەل خێزانێن خوە. كار یێ دهێتە كرن دەرگەهێ قوتابخانی بهێتە ڤەكرن هەكە پەكەكە چ ئالوزیان دروست نەكەت و خەلك ژی بشێن زارۆكێن خوە بینن”.
تُتاح هذه الصورة أيضا في: کوردی