شێوەرمەندێ جڤاتا رۆحانی:دڤێت تایبەتمەندییا ئێزدیان ل كوردستانێ بێتە پاراستن
تۆرا لالش یا راگەهاندنێ
شێوەرمەندێ جڤاتا رۆحانی یا ئێزدیان ئاشكەراكر كو تراژیدیایە كارەساتا شنگالێ یا بەردەوامە و دڤێت مافێن ئێزدیان بێنە بجهئینان،كو ل پەرلەمانێ كوردستانێ كۆتەك هەبت و مە پێنچ كورسیك هەبن و تایبەتمەندییا وان بێتە پاراستن،هەروەسا بۆ شنگالێ دپاشەرۆژێ دا ببتە پارێزگەه سەر ب هەرێمێ ڤە بت.
سیاسەتمەدارێ ئێزدی و شێوەرمەندێ جڤاتا رۆحانی یا ئێزدیان(كەریم سلێمان) بۆ رۆژناما دەنگێ لالش راگەهاند،ب دیتنا من دڤێت تێگەهشتنەك پەیدابت ل كوردستانێ ب گشتی و ب تایبەت ل سەركردایەتیا سیاسی یا كوردستانێ وەختێ ئێزدی بەحسێ تایبەتمەندییا خۆ دكن ئەڤە نە رامانا وێ خۆ جوداكرنە ژ مللەت و ژ وەلاتێ وان و ئەم بەردەوام بەحسێ تایبەتمەندیا كوردێن ئێزدی دكن و ئەم دبێژین دڤێت ل دەڤەرێن وان ژی بێنە پاراستن و ئەگەر هات ئەڤ تێگەهشتنە پەیدابوو دێ هنگێ وەسا رەفتار دگەل مە ئێتە كرن و مافێت وان یێن سیاسی و كارگێری و جڤاكی و ئایینی و هەرمافەكێ وان بێتە پاراستن، تراژیدیایە كارەساتا شنگالێ یا بەردەوامە ژبەر ژیانا د كەمپان دا و ئەو كچ و ژن و زەلامێن مایین دبن دەستێ رێكخراوا داعش یا تیرۆرستی دا و ژبەر دەستدانا نامووسێ و ئێشێن دەروونی و ژبەر گەلەك ئەگەرێن دی خەلكێ مە برینەكا گەلەك یا كور وا د جەستێ وان دا پەیدابوویی باشترین چارەسەركرن ودەرمانكرن بۆ ڤێ برینا كور دلەشێ ئێزدیان دا پشتی كارەساتێ ئەوە مافێن وان ب دورستی بێنە بجهئینان،ئەو مافە ژی مە ل پەرلەمانێ كوردستانێ كۆتەك هەبت و بۆ مە گرنگ نینە كی ئێزدی ببتە پەرلەمانتار بۆ مە یا گرنگە مە پێنچ كورسیك هەبن بلا ئێزدی ململانێ بكن سەرەرای وان كورسیكا ئەنجاما داویێ دێ بتە ئەو دێ مە پێنچ پەرلەمانتار هەبن ژ ئەنجاما ڤان پەرلەمانتارا دێ ئەم ژی پشكداربن ددەستهەلاتێ دا و دێ مە پۆست هەبن چ وەزیر یان بریكارێ وەزیر یان رێڤەبەرێن گشتی و چەندەها پۆستێن دی.
سلێمان ئەو چەندە ژی راگەهاند، باشترین چارەسەری بۆ شنگالێ دپاشەرۆژێ دا ببتە پارێزگەه و دەشتا نەینەوا و شێخان دگەل و دەڤەرا باشیك و بەحزانێ ئەو ژی ببن پارێزگەه سەر ب هەرێمێ ڤە،بڤێ چەندێ خەلكێ مە دێ هەست ب كەسایەتیا خۆ كن و باشترین گرەنتی بۆ مە ئەم هەرتشتەكی بۆ بجهئینانا مافێن خۆ هەماهەنگیێ دگەل حكوومەتا هەرێما كوردستانێ بت و دچارچوڤێ كوردستانێ دا مافێن مە دێ ئێنە بجهئینان،گۆتژی دەربارەی گهۆرینێن پۆستا ل سەر ئاستێ قەزا شێخان مە گەلەك جارا وا داخوازكری و نۆكە ژی ئەم داخواز دكن ئەو ژی بكەفتە دبوارێ بجهئینانێ دا.
ناڤهاتی سەبارەت كۆچكرنا ئێزدیان بۆ دەرڤەی وەلاتی ئاشكەراكر،ئەگەر مە بڤێت خەلكێ مە كۆچ نەكن دڤێت وان ژی بیننە سەرێ دیوانێ،ئانكو پۆستا بدەنێ چنكو ئەگەر پۆست پێ نەئێنە دان و هەست پێ دكت هەر مێڤانە ل وی جهی ب پشت راستی دێ بتە ئەگەرێ كۆچكرنێ.
تُتاح هذه الصورة أيضا في: کوردی