جڤاتا شنگال: پشتی ریفراندۆمێ شنگال دێ بتە پارێزگەه سەر كوردستانێ ڤە
باسنيۆز:
سەرۆكێ جڤاتا قەزا شنگال،دیاركر: “ناسنامەیا شنگال كوردی ئەو تەعریب ل شنگال هاتیە كرن پشتی ریفراندۆمێ هەموو نامینت دێ گەلەك گۆهورێنێن مەزن ل شنگال دروست بن و شنگال ب فەرمێ دی هێتە سەر هەرێما كوردستانێ ڤە”.
وەیسی نایف، سەرۆكێ جڤاتا قەزا شنگال، بۆ (باسنیوز) دیاركر: “ئەنجامدانا ریفراندۆمێ ل شنگال ژی زۆر یا گرنگە بۆ نەمانا دوو روویێ یا نوكە هەی ل دەڤەری دێ چارەنڤیسی شنگال ئێكلابیت ب فەرمێ دی هێتە سەر هەرێما كوردستانێ ڤە چونكو ناسنامەیا شنگال كوردی ئەو زۆلم و تەعریب بەغدا ل شنگال دكەت چوو جاران سەر ناگرت”.
خۆیا ژی كر:” شنگالێ ناهێلن ئاخا باب و باپیران جارەكا دی تووشی تەعریبی ببیت ب هەموو رەنگەكی شنگال كوردستانێ یە پشتی ریفراندۆمێ دێ شنگال بیتە پارێزگەه سەر هەرێما كوردستانێ ڤە”.
وەیسی نایف، گۆت:” ئومید و هیڤیا خەلكێ شنگالێ یە رێفراندۆم ل شنگال بهێتە ئەنجامدان خەلك بریاری ل سەر چارەنڤیسی خوە بدەن چونكو درێژاهیا میژوویی دا شنگالێ ل سەر دەستێن حكومەتێن عێراقی تووشی زۆلم ودەربەردەری و كارەسات و تەعریبی بووینە نوكە ئەو وەخت هاتیە شنگال بریارا خوە بدەن ب فەرمێ بهێنە سەر هەرێما كوردستانێ ڤە”.
تُتاح هذه الصورة أيضا في: کوردی