دووسالە وەلاتیێن كۆمەلگەها بابیرێ ژ كارەبا موەلیدا بێ بەهرن
تۆرا لالش یا راگەهاندنێ
دگەل هاتنا وەرزێ هاڤینێ و ب سەدەما ژ كاركەفتنا موەلیدان و گرانیا بەهایێ ئەمپێران،ئەڤە ماوێ پتر ژ دووسالانە وەلاتیێن كۆمەلگەها بابیرێ ژ كارەبا موەلیدێن ئەهلی بێ بەهربووین.
بەرپرسێ راگەهاندنا نڤیسینگەها لالش ل كۆمەلگەها بابیرێ(فاروق شێخ فەخری)بۆ دەنگێ لالش خویاكر،ل سەرانسەری كۆمەلگەهێ كو ژ پێنج گوندان پێك دئێتن سێ موەلیدێن كارەبا ئەهلی هەنە ئەو ژی موەلیدەك ل گوندێ بابیرێ هەیە ژ كاركەفتیە و ئێك ل جگانە و مشرفێ و ئێك ل داكا مەزن و كچەكە كار ناكن و گۆت:((پشتی هێرشا تیرۆرستێن داعشێ و هەتا نۆكە كو دبتە پتر ژ دووسالانە ڤان موەلیدان كارنەكریە)). هەروەسا ئاشكەراكرژی ئەڤە وەرزێ هاڤینێ هات و دێ سەقا یێ گەرم بت و خەلك دێ پتر پێتڤی ب كارەبێ پتن بۆ بكارئینانا ئامیرێن ساركرنێ و.
زێدەتر گۆت:داخوازا خەلكێ موەلیدە كارەبێ بۆ وان دابین بكن و بەهایێ ئەمپێران یێ گونجای بت داكو بخۆ بكێشن،ژبەركو قەیرانا دارایی و ئەڤ چەندە دبتە بارگرانی ل سەر وان،هەروەسا كارەبا نشتیمانی ژی باشتر بت داكو كاروبارێن خۆ ب رێڤە ببەن.
تُتاح هذه الصورة أيضا في: کوردی