(شێخ شامۆ)بۆ رادیۆیا رێیا تازە:پەكەكە لبن كراسێ هاوار هاتنێ هاتە د شنگالێ دا
دەنگێ لالش: پشكادووێ 
سەرۆكێ دەستەیا بلندا بنگەهێ لالش ل دهۆكێ(شێخ شامۆ) بۆ رادیۆیا (رێیا تازە)دیاركر، دووسال و نیڤ پترە ئەم درەوشەكا پەریشان دانە و جیرجۆفا جینۆسایدكرنێ بەردەوامە و خەلكێ مەیێ ئاوارە رۆژ بۆ رۆژێ رەوشا وان باشترە،حكومەتا هەرێما كوردستانێ و رێكخراوێن هاریكاریێ دكن درێخی نەكرینە،ئاشكەراكرژی پەكەكە لبن كراسێ هاوار هاتنێ هاتە دشنگالێ دا و ب ناڤێ ئێزدیا و شنگالێ دخوازە خەلكێ مە ب خاپینە.
ل سەر چێبوونا كارەساتا شنگالێ(شێخ شامۆ)دبێژت:كارەساتا شنگالێ تنێ چێبوو ئەڤ ئاگرێ هان گرتە رۆژهەلاتا ناڤەراست و عێراق و سوریا نیڤ نیڤە چوو، نەكو شنگال بتنێ كوردستان حەموو كەفتە بەر گەفێ تیرۆرستێن داعشێ ئەو هێرشا هاتی سەر كوردستانێ هێرشەكا مەزن بوو هەر ژ شنگال و هەتا مەخموورێ و دهۆك و هەولێر ژی كەفتنە دمەترسیێ دا وبگرن و ئەڤە پلانەكا دیسا یا دوژمنا بوو یە چێكری بوو ، ئەڤە دوژمنێ كوردستانێ بوو نە دوژمنێ ئێزدیا بتنێ بوو مخابن پرسیار ئەوە ب چەكێ كێ وان ب سەرێ شنگالێ كر چەكێ ئەمریكی یێ پێشكەفتی یێ سوپایێ مالكی بوو سەرۆك وەزیرێ عێراقێ بوو ئەو چەكە رادەستی داعش كر وناڤبەینا شەڤ و رۆژەكێ دا دەولەتەكا ئیسلامی چێبوو وهێرش كرە سەر كوردستانێ و دكوردستانێ دا شنگال جینۆساید كر.
سەرۆكێ دەستەیا بلندا بنگەهێ لالش ئەو چەندە ژی دیاركر،داردەستێن دوژمنا هەنە و نەحەزێن كوردستانێ هەنە و پلانێن وان دعەمباركرینە گاڤا تشتەك چێبوو بزاڤێ دكن راستیا بەروڤاژی بكن و سەرێ خەلكێ مە شاش بكن ئەڤە بەری روودانێن داعش ئەڤ تشتە هەبوو هەر بزاڤەك دكرن دا ئێزدیا ژ كوردستانێ ڤەقەتینن و ئەڤ كارەساتا مەزن هات پێ ڤێ كارەساتێ ژی ئەینی بزاڤان دكن و پلانان دئینن و هەول ددەن خەلكێ مە شاش بكن و ئەم فرۆتنە كێ و كێ ئەم فرۆتن و كی ئێخسیرێن مە نۆكە ب ملیۆن دۆلاران ژ داعشێ دكرە و دئینە ئەوی ئەم فرۆتنە ئەو پێشمەرگێ قارەمانێ ئیرۆ شنگال بخوونا خۆ رزگاركری ئەوی ئەم فرۆتنە ئەڤ كوردستانا ئیرۆ 400هەزار ئێزدی خوەیی دەردكەڤە ئەڤە دووسال و نیڤە ئەڤان ئەم فرۆتن و خودێ قەبوول ناكە راستی بێنە بەروڤاژی كرن دووهەزار شەهید و 20هەزار بریندار داین ژبوونا ئازادكرنا شنگالێ و دەڤەرێن دیتر ئەڤان ئەم فرۆتن جارێ پرسیار بكن كینە ل مە خویی دەردكەڤن و كی مە ئازاد دكت و كی نە ئێخسیرێن مە ژ دەستێن داعش قورتال دكن و ئەڤ ئاخفتن حەموو ئاخفتنێن دووژمنانە و ئێزدی ڤان ئاخفتنا قەبوول نەكن ل سەر ئەردێ،چنكو كەس ل مە خوەیی دەرنەكەفتیە ژبلی بارزانی د درێژاهیا دیرۆكێ دا سەرۆكەكی ژبوونا ئێزدیا شەر نەكریە ژ جینۆسایدێ و 74فەرمانا ژبلی سەرۆك بارزانی ب كور و برازیێ خۆڤە و دەوروبەرێن خۆڤە ئەڤە هندە سالە سەر بازگەها خۆ ل رۆژئاڤایێ دیجلە چێكریە ژبوونا شنگالێ شنگال بەرە بەرە و قۆناغ ب قۆناغ هەر ژ رەبیعا بگرە هەزار كیلۆمەترا پێشمەرگەی خوونا خۆ رژاند هەتا گەهشتە شنگالێ و ئەڤە پلانەكا دوژمنایە و هەول ددەن خەلكێ مە شاش بكە و ئەڤ تشتە حەموو نەراستە ئەو گرۆپێن نەحەزانە،یا راست ئەوە ل سەرانسەری دەڤەرێن كوردستانێ هەر ژ مەخموور بگرە هەتا شنگالێ وەختێ داعش هات ئەو چەكێ كەفتیە دەست دا پێشمەرگەی جارا ئەولی خۆ لبەر رانەگرت و پێشمەرگە ل حەموو دەڤەرا ل شنگال و مەخموورێ ژی و تلكێفا كرستیانا ژی ل حەموو دەرا پێشمەرگەی شكەستن خوار پاشڤە هات،چنكو پشتا پێشمەرگەی 70كیلۆمەترا داعش دەڤەرا ئەرەبا بوو و داعش ئەو دەرا پشتا شنگالێ حەموو گرت و شنگال وەختێ كەفتە پشت داعش شنگالێ حەموویێ شكەستن خوار وئەڤە نەفرۆتنە و ئەڤە شكەستنە و ئەوێن بێژن شنگال فرۆت وان چ ژ شنگالێ را كر و چ كریە بۆ شنگالێ و چەند ئێخسیرێن شنگالێ ژ دەستێن داعشێ قورتالكرینە و چەند ئاوارێن شنگالێ خوەیی كرینە و چەند ئەردێ شنگال ئازادكرینە و كێ شنگال فرۆت و فرۆتنە كێ ئەڤە حەموو نەراستە و ئەڤە ئاخفتنێن دوژمنانە.
دەربارەی دەرێخستنا پەكەكێ ژ شنگالێ(شێخ شامۆ)گۆت:مە ژی دگۆت قەی هاتنا پەكەكێ هاوارهاتنە وەختێ دهاوارا مە هاتین مللەتێ مەیە و كوردن و برایێن مەنە ل تەنگاڤیان،نۆكە ل حالێ حازر پشتی رەفتارێن وان سەر ئەردێ دبینن و ئەڤە دوو سال و نیڤە دشنگالێ دا ئەڤە نە هاوارهاتن بوو و ئەڤە پلانەكا دارێتی بوو یا پەكەكێ بوو لبن كراسێ هاوار هاتن شنگالێ و دمەزنا وان دا شنگال یا وانە و شنگال نەكوردستانە و ژبەری رایەدارێن كوردستانێ بێژنە وان خەلكێ شنگالێ ئەڤە چەند جارە جڤینێن خۆ كرینە كەسایەتیێن جڤاكی و رەوشەنبیری و ئۆلی پەیاما خۆ گەهاندنێ و گۆتینێ ئەگەر هون برایێن مەنە و ل هاوارا مە هاتنە ژ شنگالێ دەربكەڤن و پرۆبلێما ژ مەرا چێنەكن و ئەڤە نە جیێ وەیە و نەجیێ خەباتا وەیە و ئەگەر هون برایێن مەنە ئێكگرتێتا مالا مە و دهاوارا مە هاتن و مە بهە ڤرا ئاگرێ ڤێ مالێ تەمبراند و ما خودێ قەبوول دكە هون بێژن ئەڤە مالا مەیە و دبێژن دەركەڤن ئەم ژی چووینە كۆبانێ و ئەگەر پێشمەرگێ قارەمان نەچووبا كۆبانێ دێ كەفتبا و ئەڤ رەوشا نۆكە ل رۆژئاڤا هەی نە دما و پێشمەرگە ئاسێ نەبوو و لدووڤ داخوازیا وان پێشمەرگە چوو ودەركەفت،مە داخوازیا وان ژی نەكربوو هون هاتن سەرچاڤا و دهاوارا مە هاتن ئەگەر ئەم بەحسێ هاتنا وان بكەین جارێ وان بۆ مە دەرگەهێ رۆژئاڤا ڤەكرباشە ئەو دەرگەه هەتا 12رۆژان ڤەبوو ئەو خەلكە هاتە رۆژئاڤا و دەركەفت و هاتە كوردستانێ و پشتی هنگی ب چار هەیڤان ئەینێ ئەو جیێ پەكەكە دبێژە مە ڤەكربوو داعش هات ئەو دەرگەهە گرت و چار هەیڤا شەرڤانێن پەكەكێ و پێشمەرگێ كوردستانێ و خەلكێ شنگالێ و چەكدارێ خۆراگرێ شنگالێ بخۆ حەموو دوی چیایی دا ئاسێ مان و ب فرۆكا كوردستانێ ژوانرا خوارن و عەتاد رەوانە دكر باشە هەتا پێشمەرگێ قارەمان ژ رەبیعا 70كیلۆمەتر ئەو پاقژ نەكر و نەگەهشتیە سنوون و باكوورێ شنگالێ ئەو جیە داعش بەرنەدا خێرە شەرڤانا ژخۆرا جارەكا دی ئەو دەرگەه ڤەنەكر هەتا چار هەیڤا ژنوو پێشمەرگە هات ئەو دەڤەر ئازادكر و ئەو دەرگەهە ڤە بوو وشەرڤان نۆكە دبێژن مە ڤەكر و ئەگەر بچی دناڤ پلانێ دا سەر ئەردێ نەوەیە ئەو چەكێ دەستێ شەرڤانا دا ل وێدەرێ نە چەكێ شەركرنێ یە دگەل داعش و ئەو چەكێ گران یێ ددەستێ وان دا مەقەبوول كر برایێن مەنە وێ هاوارا مە هاتن و ئەگەر چوو نەكربت ژی ل هاوارا مە هاتن و بێژن مە خوەسەریسا شنگالێ راگەهاند ئەڤە دوژمناتیە دگەل شنگالێ دئێتە كرن ئەڤ نەبرایەتی یە، عەبدولا ئۆجلان دسیاسەتا نەتەوی دا كەسانەكی راستە لەوما ئەو دزانە هەبوونا پەكەكێ ل شنگالێ دوژمناتیە لگەل كوردستانێ ئەڤە ئەجندایەكە و وهەكە پەكەكە ددەستێ خۆ دا با و داخوازیێن شنگالیان ژ پەكەكێ كرین بەلكی هنەكێ پەكەكێ شەرم كربا و ژ شنگالێ دەركەفتبا.
شێخی ئاشكەراكرژی پەكەكە هەلگرێ ئەجندایەكا هەرێمایەتی یە و داردەستا ئەجندایەكێ یە و دخوازە نۆكە هیلالا شیعی تەمام بكت لگەل سووریا و ئەركێ پەكەكێ ئەڤە و مەسەلا وێ پلانەكا مەزنە،بەلێ پەكەكە ب ناڤێ ئێزدیا و شنگالێ دخوازە خەلكێ مە ب خاپینە و ئەو خەونا خۆ و خوەسەریا شنگالێ راگەهاندیە و جارێ خوەسەریا شنگالێ چ تشت ژ شنگالێ را كرینە كارینە ئەمپێرەكی كارەبێ بدەنە خەلكێ وێ،دخوازم ب رێیا رادیۆیا وە پەیاما من بگەهتە حەموو ئێزدیێن رووسیا و ئەرمینیا و جۆرجیا ئەڤ ئێزدی كرینە تاوانێن خۆ ل ئەوروپا سندۆقا هاریكاریێ ڤەكریە ژبوونا خوەسەریا شنگالێ و ب ملیۆنێن یورۆریا كۆم دكن و دشینە قەندیل و شنگالێ هاژێ ژی نینە،چوومە ئەرمەنستان و جۆرجیا و مۆسكۆ سندۆق یە ڤەكریە ژبوونا كانتۆنا شنگالێ و هەر شنگال نە دقامووس و پلانا وان دایە و ب ناڤێ وێ خەلكێ دخاپینن و سەر ئەردێ ژی تشتەكی وەسا نینە ل شنگال نەخوەسەری هەیە و نە كانتۆن هەیە و تشتەك هەیە زارۆكێن ساڤا دئێنە ڤان چیا و هەول ددەن ل چیا چول بمینە و ئەو ئەجندایێ ئەو پێ رابوویی وی ئەجندایی ل وی چیایی بمەشینن و وەكی دژی مرۆڤ و ئەردێ شنگال ب تاوانێ خۆ دزانن ئەڤە ژی مالوێراتیا شنگالێ یە و ئەڤە غەدرەكا مەزنە ل ئێزدیان دئێتە كرن باشە چرا تیڤی ب دراڤێ ئێزدیا دئێتە شوغلاندن وب زمانێ ئێزدیا خەبەرا ددەنە پیرۆزیێن كوردستانێ و هەر تشتێ كرێت ددەرهەقێ كوردستانێ و مائەڤە نەخیانەتە ل ئێزدیا دئێتە كرن و هەولددەن كوردستان ببتە دوژمنا ئێزدیا و ئێزدی دكارن ببن دوژمنێ كوردستانێ بن و ڤی باری هەلبگرن مانە پەكەكێ مالا ئێزدیا خرابكر.
دەربارەی رەوشا كۆچبەرێن كوردێن ئێزدی سەرۆكێ دەستەیا بلندا بنگەهێ لالش ئاشكەراكر،دووسال و نیڤ پترە ئەم درەوشەكا پەریشان دانە و جیرجۆفا جینۆسایدكرنێ بەردەوامە و خەلكێ مەیێ ئاوارەیە رۆژ بۆ رۆژێ رەوشا وان باشترە،حكومەتا هەرێما كوردستانێ و ئەڤ رێكخراوێن هاریكاریێ دكن درێخی نەكرینە و رەوش یا باشە و ل بەندا هندێ نە شنگال سەرانسەر ئازاد ببت و ئەڤ گرۆپێن ئاسێ بووین یێن گرێدایی پەكەكێ ل شنگالێ نەمینن و خەلك ڤەگەرە سەر جی و وارێن خۆ،دیسان گرتی هەتا نۆكە نیڤ هاتینە ئازادكرن و نێزیكی سێ هەزارا هاتینە ئازادكرن حەموو ژی ب رێیا نڤیسینگەها سەرۆكێ حكومەتا هەرێما كوردستانێ و چەند ئەو دراڤێ لێ هاتینە مەزاختن حەموو سەرۆكێ حكومەتا هەرێمێ داینە یەك مرۆڤی و حزبێ و نە پەكەكێ و غەیری وێ نكاریە ئێك ئێخسیرێ ئێزدیا قورتال بكت،پێشمەرگێ قارەمان نۆكە خەندەقەكا سەرانسەری ل بنێ چیایێ شنگال هەیە ژ سەرانسەر ژ رۆژهەلات هەتا رۆژئاڤا وێ دەڤەرێ ب خوونا خۆ دپارێزە و سەدێ بیست دەڤەرێن شنگالێ ماینە و پلان هەیە پێشمەرگە دێ وان دەڤەران ژی ئازاد بكت،ئەم 24 دەمژمێرا و رۆژانە ل حەموو بیرهاتن و قۆناغا ئەم لگەل ئێش و ژانێ خەلكێ خۆ دژین و ل حەموو كەمپان دگەرێن و ل بزاڤ و چالاكیا و هەبوونا و روونشتن و جڤینا ئەم ب خەلكێ خۆ رانە و دگەل ئێش و ژانێ وانن و ژ خەلكێ خۆ دوورناكەڤن و خەلكێ مەیە.
تُتاح هذه الصورة أيضا في: کوردی