قايممقامێ شنگالێ: حهشدا شهعبی چهند گۆندێن شنگالێ داگیر كرینه
باسنيوز:
قائیمقامێ قهزا شنگال، دیاركر كو حهشدا شهعبی ههژمارهكا گۆندێن كوردان ل قهیرهوان دهڤهرا شنگال داكیر كرینه، نوكه ژێ یا بهرهڤ گوچو پێشڤهچوونی دكهت.
مهحما خلیل قائیمقامێ قهزا شنگال بۆ (باسنیوز) دیار كر “حهشدا شهعبی چهند گۆندێن دهڤهرا شنگال داگیر كرینه ئهڤ رهفتارێن حهشدا شهعبی دێ بنه ئهگهر هیچ كهسهكێ ئێزدی بهرههڤ نهبیت ڤهگهرنه دهڤهرا تل بنات و تل قهسهب و گوچو و دهڤهرێن دێ یێن حهشدا شهعبی تێدا بمینت”.
خۆیا ژی كر “شنگالیان پێ خوش بوو ئهو بخوه برینێن خوه دهرمان بكهن و ههموو بهرههڤێ ژی هاتبوونه كرن بۆ كونترول كرنا ههموو دهڤهرێن سهر شنگالێ ڤه لێ بێ ههماههنگی حهشدا شهعبی هات ئهو دهڤهر داگیركرن چوو رێز نهگرت”.
مهحما خهلیل گۆت “ئهم ل هاتنا حهشدا شهعبی نههاتینه ئاگههدار كرن چوو ههماههنگی ژێ مه دگهلدا نێنه ئهم ناخوازن ل دهڤهرا شنگال بمینت چونكو دێ رهوشا دهڤهری ئالوز كهت”.
تُتاح هذه الصورة أيضا في: کوردی