ئاریشەیەكا چاندنێ ل قەزا شێخان هاتە چارەسەركرن
تۆرا لالش یا راگەهاندنێ
جۆتیارێن قەزا شێخان و كۆمەلگەها مەهەتێ و گوندێ بیرستەكێ سوپاسیا لقێ 20ێ پارتی و شەخسێ رێزدار”مەحمود ئێزدی” ئەندامێ سەركردایەتیا پارتی و بەرپرسێ لقێ 20 و خۆشكا “خەولا خالد شلی” كارگێرا لقێ و بەرپرسا نڤیسینگەها پەیوەندیا دكن،ژبۆ چارەسەركرنا ئاریشەكا چاندنێ.
ئەڤە بۆ ماوێ هەفتیەكێ یە نڤیسینەك ژ نڤیسینگەها وەزیرێ چاندنێ ل بەغدایێ هاتی بۆ چاندنا شێخان،فەرە هەر جۆتیارەك گرێبەستا خۆ یا چاندنێ یا گشتی یا ئەردێ چاندنێ نوو كت وجۆتیارێ نەیی بەرهەڤ ل دەرڤە ئەردێ خۆ ل سەر ناڤێ كەس و كارەكێ خر تۆمار بكت نابت ئەرد ل سەر ناڤێ وی و ئەو ژ دەرڤەی وەلاتی بت و ئەگەر ڤێ چەندێ نەكەت دێ ئەردێ وی ئێتە دەستەسەركرن، ئەڤ مژار و گەلەك گۆتگۆتك پێ دهاتنە گۆتن و خەلكێ مە یێ شێخان و گوندێن دۆرماندۆر نەدرازی بوون،ژبەركو پتریا ئێزدیا ل دەرڤەی وەلاتی نە و ترسیان ئەڤ چەندە ببتە ئەگەرێ هندێ ئەردێ جۆتیارێن ئێزدیا ژ دەستێ وان دەركەڤت ،ژ بۆ چارەسەریا بابەتی و جێبەجێكرنا داخوازیێن ئێزدیا ل سەر ڤی بابەتی رێزدار”مەحمود ئێزدی” هاتە دەنگ،رێڤەبەرێ چاندنا شێخان داخواز كر و چەند رێنما و ئامۆژگاری دانێ كو نابت ب هیچ رەنگەكی زێدەگاڤیەك ل سەر خەلكێ شێخان ب گشتی و ئێزدیا ب تایبەت بێتەكرن ژلایێ حكومەتا عێراقێ ڤە هەر بریارەكا بێت دڤێت ب رەزامەندیا خەلكێ مە بت ژنوو ب كەفتە وارێ جێبەجێكرنێ دا.
پاش لژنەك پێكئینان ب سەرپەرشتیا “خەولا شلی”كارگێرا لقێ و بەرپرسا نڤیسینگەها پەیوەندیا و موختارێن قەزا شێخان و مەهدی حەسەن و مەروان داود دگەل رێڤەبەرێ چاندنا شێخان كۆمبوون بۆ چارەسەریا بابەتی و جۆتیارێن ئێزدی چ دخوازن د بەرژەوەندیا وان بریارێ ل سەر بدەن،پشتی دانوستاندنەكا درێژ و رەدكرنا نڤیسینا چاندنا بەغدا و ومایتێكرنا وان د كاروبارێن جۆتیارێن شێخان دا و نەخاسمە جۆتیارێن ئێزدی ئەڤ بریار هاتن دان:
1. هەر جۆتیارەكی ئێزدی ل دەرڤەی وەلاتی و ئەردەكێ چاندنێ هەی مافێ ویە بێتە كوردستانێ گرێبەستا خۆ یا چاندنێ ب ناڤێ خۆ نوو كت و ب زڤرنە دەرڤە یان بمینت.
2. هەر جۆتیارەكی حالێ حازر دەرفەت نەبت بێنە وەلاتی بۆ نووكرنا گرێبەستا خۆ یا چاندنێ مافێ وییە كەسەكێ نێزیكی خۆ مخول بكت ئەردێ خۆ ل سەر ناڤێ وی تۆماربكت ب دیدەڤانیا دوو كەسا و موختاری گرێبەست دێ ئێتە دروستكرن ب ناڤێ كەسەكێ دی یێ وی جۆتیاری دڤێت .
3. هەر كەسێ ژ دەرڤەی وەلاتی نەئێت گرێبەستا خۆ نوو نەكت یان ئەردێ خۆ ژی ب ناڤێ كەسی چێنەكت دێ ئەردێ وی ئێتە دەستەسەركرن و گرێبەستا وی دێ ئێتە پوچەلكرن یا بەری نۆكە.
4. نابت ئەردێ ئێزدیەكی یێ چاندنێ ب هیچ رەنگەكی بێتە دەستەسەركرن یان نە ب دەنە كەسەكێ بسلمان یان مەسیحی و بەروڤاژی یێ جۆتیارەكی بسلمان یان مەسیحی ژی بدەن ئێزدیا ئەگەر هات و ئەرد هاتە عەجزكرن یا فەرە یێ هەر ئولەكی بۆ ئولەكی بن لدیڤ ئختیارا موختار و ئەنجومەنێ گوندا.
5. نابت هیچ جۆتیارەكی ئێزدی ئەردێ خۆ یێ چاندنێ بفرۆشتە كەسەكی بسلمان یان مەسیحی دڤێت موختار رێگر بن و دەمێ حالەتەكا وەسا پەیدا بت جهێن پەیوەندیدار ئاگەهداربكت و ئیمزا نەكت ل سەر كرین و فرۆتنێ.
6.هەر جۆتیارەكی عەمرێ خودێ كری میراتێ وی دێ ئەردی ل سەر ناڤێ خۆ توماركن و گرێبەستێ نوو كن.
ئەڤ چەندە ب پالپشتیا خوشكا خەولا خالد شلی هاتە كرن رژدیا وێ ل سەر كاری و دلسۆزیا وێ بۆ رێبازا پارتی و بارزانی و ئێزدیاتیێ دناڤا جڤاكێ مەدا سەربەست و ئازاد بژین و بۆ هەر بابەتەكی پشتەڤانیا خەلكێ مە دكت وكچەكا ئازا و ژیر بۆ چارەسەریا هەر بابەتەكی مەژی وەك دوو كادرێن پارتی و موختارێن قەزا شێخان سوپاسیا خوشكا خەولا كر ب ناڤێ گوندێن كۆمەلگەها مەهەتێ و قەزا شێخان و بیرستەكێ.
نڤیسینگەها لالش مەهەتێ
28/5/2017
تُتاح هذه الصورة أيضا في: کوردی