مەحموود ئێزدی: خەلکێ شێخان ب ھەموو پێكھاتێن خۆ يێن ئاینی ونەتەوەیی پشتەڤانیا ریفراندۆمێ دکن

بەرپرسێ لقی 20 پارتی ل قەزا شیخان، دیارکرکو موسلمان و ئێزدی و مەسیحی ل قەزا شێخان پشتەڤانیی ل ریفراندۆمی بۆ سەربەخۆیا کوردستانێ دکەن، ھەموو پێگھاتێن کوردستانێ وەکو ھەموو مللەتێن دێ یێن جیھانێ ئەڤ مافە یێ ھەی ب رەنگەکێ ئازاد بژین.

مەحموود ئێزدی، بەرپرسێ لقی 20 پارتی ل قەزا شیخان، بۆ (باسنیوز) دیارکر: “خەلکێ شیخان ب ھەموو ئاین و نەتەوەیێن خوە ڤە ب گەرمێ پێشوازی ل رێفراندۆمێ کرن ھەر نوکە خەلک یێ خوە بەرھەڤ دکە نبە بەلێ دەنگ بدە نبۆ رێفراندۆمێ وسەربەخۆیا کوردستانێ چونکو خەلک شێخان دخوازن ژ دوو ئێداری رزگاربن ونەمینن سەر عێراقی ڤە ژبەر کو درێژاھیا میژوویی دا بەغدا بۆ شێخان چو نەکریە گەلەک جاران خەلک تووشی مالویرانیی کریە نوکە ئەو دەم ھات خەلک شێخان ژ مالویرانیی و دەردەسەری و زولمی بھێنە رزگارکرن لەورا ژێ ھەموو ب دەنگێ بەلێ دێ پێشکداریی رێفراندۆمێ دا کەن بۆ سەربەخۆیا کوردستانێ”.

خۆیا ژی کر: “ریفراندۆم بۆ دامەزراندنا دەولەتا کوردی یە پشتی رۆژا 25/9/2017 دێ کار بو دامەزراندنا دەولەتا کوردی ژێ ھێتە کرن خەونا باب وباپیرین مە دێ دھێتە بجە ئێنان گرنگە ھەموو خەلکێ کوردستانێ پێشکداربن ریفراندۆمێ دا”.