گهرەكا ئەفسەرێن زێرەڤانی ژ كوردێن ئێزدی دەرچوو
تۆرا لالش يا راگههاندنێ
پشتی رەزامەندیا جەنابێ سەرۆک بارزانی هاتیە وەرگرتن (١٥) پێشمەرگێن ئێزدی هێزا کۆماندۆز سەر ب هێزا لەشکەرێ زێرەڤانی ڤە دەرچۆن و پلەیا ئەفسەریێ وەرگرتن.
ل رۆژا چارشەمبوویێ 21حوزەیرانا 2017ێ،پازدە ئەفسەر ژ كوردێن ئێزدی دەرچوون،پشتی پشكداری خۆلەكێ بووین كو وەزارەتا پێشمەرگەی ب هەماهەنگی دگەل وەزارەتا بەرڤانیا ئیتالیا و ب سەرپەرشتیا ئەفسەرێن ئیتالی ئەنجام دابوو.
هێژایی گۆتنێ یە ئەڤ پازدە پێشمەرگێن هاتینە پلەدارکرن ژ ناڤ وان هەزار پێشمەرگێن شنگالی هاتینە بژارتن ئەوێن ل ٢٥/٧/٢٠٠٧ هاتینە دامەزراندن،پتریا وان نۆكه دام و دەزگەهێن و قونسلیاتێن وەلاتێت بیانی ل هەولێر دپارێزن.
ژلایەكێ دیڤە فەوجەكا دی یا پێشمەرگەی كو ژ 500سەربازان پێك دئێت ژ كوردێن ئێزدی پشتی جەژنا رەمەزانێ و داوی هاتنا راهێنانا دێ دەرچن و دەست ب پاراستنا دەڤەرا شنگالێ كەن.
هەروەسا دئێتە چاڤەرێکرن ل وەختەکی نێزیک ٥٠٠٠ پێشمەرگەهێن دیتر ژ هەمی پێکهاتێن دەشتا نەینەوا بهێنە دامەزراندن، رێژەیەکا باش ژڤان پێشمەرگەها دێ ئێزدیێن خەلكێ وەلات شێخ و باشیك و بەحزانێ بن و ئەڤ هێزە دێ دەڤەرێن خوە پارێزن دچارچووڤەیێ وەزارەتا پێشمەرگەی دا.
تُتاح هذه الصورة أيضا في: کوردی