شەمۆ قاسم: دەروێش و شکەستی و زانایێن ئۆلا ئێزدیان دێ چل رۆژان ب رۆژی بن
باسنيوز:
بەرپرسێ لیژنا رەوشەنبیری دەستەیا بلندا بنگەھێ لالش یێ رەوشەنبیری و کۆمەلایەتی، دیارکرکو کوردێن ئێزدی دەست ب گرتنا چل رۆژیێن چلێ ھاڤینێ کرینە بتایبەتی ژێ دەروێش و شکەستی و زانایێن ئۆلا ئێزدیان وھەر کەسەکێ بڤیت دشێت چل رۆژان ب رۆژی بیت.
شەمۆ قاسم، بەرپرسێ لیژنا رەوشەنبیری دەستەیا بلندا بنگەھێ لالش یێ رەوشەنبیری و کۆمەلایەتی، بۆ(باسنیوز) دیارکر: “ھەر کەسەکێ چلێ ھاڤینێ ب رۆژی بیت دبیژنێ چلەگر ل رۆژا 2/8/2017 دێ بیتە جەژنا چلێ ھاڤینێ لجەم کوردێن ئێزدی و گرتنا رۆژیان ژێ نە فەرزە بەلکو خێری ھەر کەسەکێ بڤیت دشێت چل رۆژیا بگرت جەژنا چلێ ھاڤینێ ژێ ل پەرستگەھا لالش دھێتە گێران ئێزدی قەستا پەرستگەھا پێرۆزا لالش دکەن ل مەزار ونێشانگەھێن خاسا زیارەتی دبن”.
خۆیا ژی کر: “مجێور و سەرەدریێن خاسا سماتێ چێدکەن و کەسێن نەمۆرکری ژێ ب ئاڤا کانیا سپێ دھێنە مۆرکرن و قەول و بەیت دھێنە گۆتن”.
تُتاح هذه الصورة أيضا في: کوردی