“عەلی ئاتلان” سەرەدانا بنگەهێ لالش كر و رەوشا نۆكە یا ئێزدیان دگەل بەرێز”شێخ شامۆ”گەنگەشەكر
تۆرا لالش یا راگەهاندنێ
دسەرەدانەكێ دا بۆ دەستەیا بلندا بنگەهێ لالش ل دهۆكێ،بەرێز”عەلی ئاتلان”ئەندامێ پەرلەمانێ توركیا ژ پارتا(HDP) و بەرێز”شێخ شامۆ”سەرۆكێ بنگەهێ لالش،رەوشا نۆكە یا ئێزدیان و پاشەرۆژا وان گەنگەشەكرن.
دسەرەدانا خۆ دا”ئاتلان” دگەل شاندەكێ دگەل دا پەسنا رۆلێ مەزن یێ بنگەهێ لالش گێرایی دجڤاكێ ئێزدی دا ل هەرێما كوردستانێ كر و دیاركر كو بنگەهێ لالش رۆلەكێ ئەرێنی دجڤاكێ كوردی دا هەیە و دووپاتكر یا فەرە بنگەه دەستپێشخەرێ ئێكێ بت بۆ ئێكگرتنا گۆتارا ئێزدی.
ژبال خۆڤە بەرێز”شێخ شامۆ”بخێرهاتنا بەرێز ئاتلان و شاندێ دگەل دا كر و دووپاتكر كو بنگەهێ لالش بەرهەڤە بۆ هەر دەست پێشخەرییەكێ كو دخزمەتا ئێزدیان دا بت،دچارچووڤەیێ نەتەوی ل كوردستانێ.
هەروەسا شێخی نیگەرانیا خۆ ل سەر هەبوونا هندەك پارتان ژ دەرڤەی هەرێمێ و بووینە ئاستەنگ ل شنگالێ و داخوازكر كو حەموو پارت هاریكار بن ژبۆ كو شنگال بۆ خەلكێ وێ بمینت و رێز ل دەزگەهێن وێ یێن فەرمی بێتە گرتن.
تُتاح هذه الصورة أيضا في: کوردی