بنگەهێ لالش زەرەرێن ب دەڤەرا باشیكێ كەفتین دیكیۆمێنت كرینە
تۆرا لالش یا راگەهاندنێ
پشتی رزگاركرنا بەحزانێ ژبال هێزێن پێشمەرگەیێ قارەمان ڤە،بنگەهێ لالش زەرەرێن چێبووین و كەفتین ب دەڤەرێ دیكیۆمێنت كرینە و هەماهەنگیێ دگەل رێكخراوێن نێڤ دەولەتی و مرۆڤایەتی دكت،ژبۆ هاریكاریكرنا وەلاتیێن ڤەگەریاینە سەر جی و مالێن خۆ.
بەرپرسێ بنگەهێ لالش تایێ بەحزانێ(رەعەد تارق)بۆ دەنگێ لالش ئاشكەراكر،بنگەه هەماهەنگیێ دگەل رێكخراوێن نێڤ دەولەتی و مرۆڤایەتی دكت،ژبۆ هاریكاریكرنا وەلاتیێن ڤەگەریاینە سەر جی و مالێن خۆ،ژوان رێكخراوان یێن رادبن ب نووژەنكرنا مالێن وەلاتیان ژبەر داگیركرنا داعش بۆ دەڤەرێ و كارێ وان رێكخروان ب ساناهی دكەین ب هەڤكاری دگەل لژنا ناڤخۆیا باشیكێ یا پارتی دیموكراتی كوردستان،دیسان هەر ژ رۆژا ئێكێ یا رزگاركرنا دەڤەرێ ژبال هێزێن پێشمەرگەیێ قارەمان ڤە،بنگەهێ مە زەرەرێن چێبووین ل وێدەرێ دیكیۆمێنت كرینە.
خویاكرژی بنگەهێ لالش خێزانێن ڤەدگەرنە دەڤەرێ تۆمار دكت،پێخەمەت بەرهەڤكرنا داتایەكا بەرهەڤكری بۆ رێكخراوان یێن هاریكاریان پێشكێشی دەڤەرێ دكن،زێدەباری دووڤچوونا ئاڤەدانكرنا مەزارگەهان یێن تیرۆرستێن داعش ژناڤبرین و چەند كارێن دیتر.
تُتاح هذه الصورة أيضا في: کوردی