بنگەهێ لالش: بەغدا هاریكاریا ئاوارهیێن شنگال ناكەت ڤەگەرن مالێن خوه
باسنيوز:
بەرپرسێ بنگەهێ لالش یێ رەوشەنبیری و كۆمەلایەتی ل ناحیا سنوونێ دیاركركو هەتا نۆكە بەغدا هاریكاری نەكریە ئاوارهیێن شنگال ڤەگەرنە سەر دەڤەرێن خوە، ئەم باوەر ناكەن جارەكی بەغدا هاریكاریا شنگال بكەت.
سلێمان فانۆ، بەرپرسێ بنگەهێ لالش یێ رەوشەنبیری و كۆمەلایەتی ل ناحیا سنوونێ بۆ(باسنیوز) دیاركر: “حكوومەتا عێراق هاریكاریا ئاوارهیێن شنگال ناكەت بۆ دابینكرنا دەرمانان وكارەب و ئاڤ و كەرەستێن خوارنێ و هەموو خزمەتگوزاریێن دی هەكە دەلیڤە كاری بهێنە پەیداكرن بێگومان دێ خەلك ڤەگەرن لێ بەغدا چوو هاندانا خەلكێ ناكەت. هەر ژ رۆژا كارەساتا شنگال 3/8/2014 هەتا نۆكە بەغدا بۆ شنگال هاریكاری نەكریە”.
خۆیا ژی كر: “هەتا 60 هزار كەس یێن ڤەگەریاینە دەڤەرا سنوونێ بەردەوام دەزگەهێ خێرخوازی یێ بارزانی هاریكاریا خەلكێ سنوونێ دكەت. گەلەك جاران داخواز ژ بەغدا هاتیە كرن هاریكاریا شنگال بكەت لێ بەغدا چوو پێنگاڤ نەهاڤیتنه”.
تُتاح هذه الصورة أيضا في: کوردی