سەیدو چەتۆ: بتنێ 60گرتيێن ئێزدی ل مووسل یێن هاتینە رزگاركرن
باسنيوز:
ئەندامەكی جڤاتا پارێزگەها مووسل دیاركركو پتر ژ هزار رەڤاندیێن ئێزدی ل مووسلێ بوون دەمێ ئوپەراسیۆنا رزگاركرنا مووسل دەستپێكری، هەتا ئەڤرۆكە ژی بتنێ 60 رەڤاندیێن ئێزدی یێن هاتینە رزگاركرن و چارەنڤیسێ یێ دی هەموویان دیار نینە.
سەیدو چەتۆ، ئەندامێ جڤاتا پارێزگەها مووسل بۆ(باسنیوز) دیاركر: “پێشبینی دهێتە كرن لایێ راستی یێ مووسل هندەك رەڤاندی ئێزدی مابن دناڤ ئاڤاهیان و مالێن خەلكێ دا، نۆكە ژی مە ل جڤاتا مووسل بریار دایە هەر خێزانەكا مووسل رەڤاندییەكا ئێزدی دناڤ مالا وی دا بیت هەتا 10 رۆژان رادەستی هێزیێن ئێمناهیێ نەكەت ئەم دێ پیرابونێن قانوونی دگەل وەرگرن. پشتی ئەڤ بریارا هاتیە دان هەتا نۆكە نێزیك 10 رەڤاندیێن ئێزدی لایێ راستی یێ مووسل یێن هاتینە دیتن و رزگاركرن”.
خۆیا ژی كر: “هزاران رەڤاندیێن ئێزدی ل مووسل بوون لێ نئكە رزگاركرنا مووسل چوویە قوناغێن دووماهی، بتنێ هەتا 60 رەڤاندیان یێن هاتینە رزگاركرن. یێن دیتر چارەنڤیسێ وان دیارنینە. ئەم هوسا پیشبینی دكەین تیرۆرستێن داعش ئەو رەڤاندی بۆ حەویجە و تەلەعفەر و عانا و راوا ل رومادی ڤەگوهاستبن، پێدڤیە ئئپەراسیۆنێن تایبەت بۆ رزگاركرنا رەڤاندیێان دەست پێ بكەن”.
تُتاح هذه الصورة أيضا في: کوردی