سهربهست تراونشى: رهسهنهتیا كوردێن ئێزدى پرهنسیپهكێ نهگوره دفهلسهفا پارتى دیموكراتى كوردستان دا
تۆرا لالش يا راگههاندنێ
ل رێكهفتى (27/7/2017)، بهرێز (سهربهست تروانشى) ئهندامێ جڤاتا سهركردایهتیا پارتى دیموكراتى كوردستان و بهرپرسێ لقێ ئێك پێشوازى ل بنگههێ لالشیێ رهشهنبیرى و كومهلایهتی یێ ئێزدییان ل كومهلگههێن خانكێ و شاریا كر.
د روینشتنهكێ دا دگهل بهرپرس و ئهندامێن دهستهیا بنگههێ لالش ل خانكێ وشاریا، سهربهست تروانشى ژ نێزیك هایدارى كارو بزاڤێن بنگههێ ناڤبرى بو، ههروهسان بهرپرسێ لقێ ئاماژه دا رولێ بنگههێ ناڤبرى د پاراستن و نیشاندانا كهلتورێ برایێن ئێزدى دا و خورتكرنا بزاڤا رهوشهنبیریا كوردى.
ههروهسان (سهربهست تروانشى) د تهوهرهكێ دیێ ئاخفتنا خودا دگهل بهرپرس و ئهندامێن بنگههێ لالش تهكهزى كره سهر قوربانیدانا برایێن ئێزدى و تراژیدیا وان دیتى ب تاییبهتى ل شنگال و گوندێ كوچو ژلایێ درندهترین تیرورست ڤه ل جیهانێ، پاشان بهرپرسێ لقێ دوپاتى ل ئاخفتنا جهنابێ (سهروك بارزانى) كر گوت برایێن ئێزدى كوردێن رهسهنن و ئهڤه پرهنسیپهكێ نهگوره د سیاسهت و فهلسهفا پارتى دیموكراتى كوردستان دا.
ژلایێ خوڤه بهرپرس ودهستهیا بنگههێ لالشیێ رهوشهنبیرى و كومهلایهتى دیاركر مهرهم ژ سهرهدانا وان خورتكرنا پهیوهندیێن دووقولى نه دگهل لقێ ئێكێ پارتى، وئاماژه دا هندێ ئێزدییان ئهو بیروباوهر ههنه كو بهشهكێ سهرهكى نه دناڤ رێزێن پارتى دیموكراتى كوردستان دا و چ لایهنهك وهكى پارتى و جهنابێ سهروك بارزانى خو ب خودانێ ئێزدییان نزانیت و ئاماژه دا رولێ سهروك بارزانى وهكو فهرماندێ گشتیێ هێزێن پێشمهرگهیى د ئوپهراسیونێن رزگاركرنا شنگال و دهڤهرێن كهتینه دبن دهستێ تیرورستان دا.
ل دوماهیێ بهرپرسێ لقێ ئێك ئامادهیى وپشتهڤانیا لقێ ئێكێ پارتى بو بنگههێ لالش دیاركر و دا زانین كومهلگههێن شاریا و خانكێ جهێ گرنگی دانا لقێ ئێكه.
راگههاندنا لقێ ئێكێ پارتى
تُتاح هذه الصورة أيضا في: کوردی