بیرەوەریا دامەزراندنا نڤیسینگەها لالش ئێسیا ب چەندین چالاكیان هاتە ساخكرن
تۆرا لالش یا راگەهاندنێ 
دوهی رۆژا ئینیێ 11تەباخا 2017ێ،بیرەوەریا هەفتێ یا دامەزراندنا نڤیسینگەها لالش ئێسیا ب چەند چالاكیان هاتە ساخكرن.
ب ئامادەبوونا بەرپرس و ئەندامێن دەستەكا كارگێری یا نڤیسینگەها لالش ئێسیا و بەرپرس و ئەندامێن بنگەهێ لالش شێخان و رێكخراوا پارتی دیموكراتی كوردستان ل گوندی و جەماوەرەكێ زۆر ژ ئێسیا و بێرستك بیرەوەریا هەفتێ یا دامەزراندنا نڤیسینگەها لالش هاتە ساخكرن.
ل بەراهیا دەست پێ كرنا رێورسمێن ساخكرنێ،بخێرهاتنا ئامادەبوویان هاتە كرن و پاش وەك رێزگرتن بۆ گیانێ جانگۆریێن كورد و كوردستانێ سەكنین،ل پێرە بەرێز”قاسم میرزا”بەرپرسێ نڤیسینگەهێ بڤێ هەلكەفتێ پەیڤەك پێشكێشكر و تێدا دووپات لسەر گرنگیا دامەزراندنا بنگەه و نڤیسینگەهێن لالش كر بۆ دیاركرنا راستیا ئایینێ ئێزدیان و رۆلێ قوتابیان دپێشكەفتنێ دا كر،ئاماژە دا پشكداریا كارا بۆ پشتەڤانیكرنا پرۆسسا ریفراندۆما كوردستانێ و گرنگیا سەركەفتنا وێ بەرەف سەربەخۆبوونێ.
ل دووڤ دا بەرێز”ئازاد موراد”بەرپرسێ بنگەهێ لالش تایێ شێخان پەیڤەك پێشكێشكر و تێدا ئاماژە ب رۆلێ نڤیسینگەها لالش ئێسیا كر و پیرۆزباهیێن خۆ پێشكێشرن بڤێ هەلكەفتێ و سوپاسیا نڤیسینگەهێ كر بۆ خەلات كرنا سالانە یا قوتابیێن سەركەفتیێن ئێكێ ل قوتابخانێن گوندێن ئێسیا و بێرستك.
نڤیسینگەها لالش ئێسیا ل رێككەفتی(11/8/2010)ێ،ژبال دەستەیا بلندا بنگەهێ لالش ل دهۆكێ هاتیە دامەزراندن.
ل داویا چالاكیێ(36)قوتابی ژ هەردوو رەگەزان یێن سەركەفتی ل پلەیێن ئێك و دوو ل قوتابخانێن(فرهنك،ریهات،نهدار)خەلات كرن،ل بەرامبەر دا ئامادەبوویان و قوتابیان سوپاسیێن خۆ ئاراستەیی نڤیسینگەها لالش كرن بۆ ئەنجام دانا ڤان جۆرە چالاكیان.
تُتاح هذه الصورة أيضا في: کوردی