بیرەوەریێن گرعزێر و سیبا شێخدرێ و قركرنا گوندێ كۆچۆ ل كەمپا قادیا هاتنە ساخكرن
تۆرا لالش یا راگەهاندنێ
بیرەوەریێن گرعزێر و سیبا شێخدرێ و قركرنا گوندێ كۆچۆ،ب چەندین چالاكیێن جۆراوجۆر ل كەمپا قادیا یا ئاوارەیان هاتە ساخكرن.
ئیرۆ 15تەباخا 2017ێ،ب ئامادەبوونا ژمارەكا بەرپرسێن سیاسی و كارگێری و جڤاكی و رەوشەنبیران،زێدەباری خەلكێ گوندێ كۆچۆ و گرعزێر و سیبا شێخدرێ یێن وێرانكری و خەلكێ كەمپێ و رۆمالەكا بەرفرەها راگەهاندنێ،هەردوو بنگەهێن لالش تایێ شنگال وسنوونێ و نڤیسینگەهێن ب سەرڤە و ب هەماهەنگی دگەل رێكخراوا ژیندا ب پشتەڤانیا رێكخراوا خالس ئێت یا بریتانی،ئەڤ بیرەوەری ب ئەنجام دانا چەندین چالاكیان ساخكرن.
ل پێشیێ وەك رێزگرتن بۆ گیانێ پاكێ جانگۆریێن هەردوو كارەساتان و هەموو جانگۆریێن كورد و كوردستانێ ئامادەبوویی خۆلەكەكێ سەكنین،پاش ب سەدان شەمالك ل دۆر دارا كۆچۆ یا هەلاویستی ژ وێنێن جانگۆریان هاتنە هەلكرن.
پاشان چەند پەیڤ ژبال جیێن رێكخستی ڤە و یێن پشتەڤانێ ئاهەنگا ماتەمینی و كەس وكارێن هەردوو كارەساتان ڤە هاتنە خووندن.
ل دووڤ دا ژمارەكا هۆزانان ژبال هۆزانڤانێن وان گوندان و سترانێن فلكلۆری لسەر فەرمانان ژبال هۆزانڤانێن ناڤدارێن شنگالێ ڤە هاتنە گۆتن.
ل داوویا چالاكیێ پێشانگەهەكا وێنەیێن هەردوو كارەساتان هاتە ڤەكرن.
تُتاح هذه الصورة أيضا في: کوردی