وهزارەتا شههید و ئهنفالكریان:دێ گورێن ب كۆم یێن كوردێن ئێزدی ئینینە دهر
ئهڤرۆ نیۆز:
رێڤهبهرێ گشتی یێ وهزارهتا شههید و ئهنفالكریان ل حوکمهتا ههرێما كوردستانێ دیاركر:وهك وهزارهت چاڤهرێ دهمهك گونجایێ دكهین بۆ ئینانا دهرێ یێن گورێن ب كوم یێن كوردێن ئێزدی ئهوێن ل 3/8/2014 و ل دووڤ دا هاتینە كوشتن ل چهندین جهێن شنگالێ و كومهلگههێن دهردور کو ب كوم هاتینە ڤهشارتن.
بهرهڤان حهمدی رێڤهبهرێ گشتی یێ وهزارهتا شههید و ئهنفالكریان ل حوکمهتا ههرێما كوردستانێ بۆ ئهڤرۆ نیۆز خویاكر:پشتی وێ تاوانا مهزن ئهوا ل هەیڤا تەباخێ ل سالا 2014 ب سهر كوردێن ئێزدی دا هاتی و ب سهدان وەلاتی دهربەدهربوون و كهفتنه دهستێن داعشان و پاشی هاتنه كوشتن و ل گورێن ب كوم هاتینە ڤهشارتن ل شنگالێ و دهردورێن وێ،كو ل گوری زانیاریا 39 گورن و 14 ژ وان ل سهر ئهردی نه جهێن وان دیارن و 25 گورێن دن ژی نهدیارن و ل گورەی پلانێن وهزارهتا شههید و ئهنفالكریان ل حوکمهتا ههرێما كوردستانێ پێدڤیه ههموو گور بهێنه دیتن و ڤهكرن.
بهرهڤانی ل دۆر هژمارا كهسێن ناڤ گورێن ب كوم خویاكر ژی:ههتا نوكه دیارنینه كا ههر گورهكێ چهند كهس تێدا هاتینه ڤهشارتن،ژبهركو ئهو دهلیڤهیا ئهمنی نهبوویه کو سهرهدانا وان جهان بكهین،بهلێ ل دووڤ بهرنامهیهكێ دارشتی ههموو گورێن ب كوم یێن كوردێن ئیزدی دێ هێنه راكرن كو سالا 2014 پشتی چهند مهههك بورین ل سهر وێ تاوانێ 3 گورێن ب كورم هاتینه دیتن و راكرن ولێگهریان و بزاڤ بۆ گورێن مایی ژێ دبهردهوامن.
قهزا شنگالێ دكهڤیته روژئاڤا باشورێ كوردستانێ و سهر ب پارێز گهها مووسل ڤه یه 120 كلم ل سهنتهرێ پارێزگههێ دووره،ژمارا ئاكنجیێن وێ بهریا هاتنا داعش 412 هزار كهس بوون ئێزدی و موسولمان و مهسیحی و عهرهب ل شنگالێ دژیان سێ ناحیه ههبوون،ئەو ژی(سنونێ،گرعوزێر ،بلێج)بوون، ل 3 تەباخا 2014 ژلایێ تیرورستێن داعش هاتنه گرتن 6 هزار و 417 كهس هاتنه دهستهسهركرن و هزار و 293 كهس ژی ژ ژن و زارۆک و زهلامان هاتنه كوشتن و ل گورێن ب كوم دا هاتنه ڤهشارتن،د ئۆپهراسیونهكا تایبهت یا پێشمەرگێ کوردستانێ دا ل 12/11/2015 شنگال ب تهمامی هاته ئازاد كرن.
تُتاح هذه الصورة أيضا في: کوردی