شنگال.. د گۆرەکێ ب کۆم دا روفاتێن ١٠ کەسێن ئێزدی ھاتنە دیتن
باسنيوز:
قایمقامێ قەزا شنگال دیارکرکو ئەڤرۆ ١/١٠/٢٠١٧ گۆرەکێ دی یا ب کۆم ل گوندێ زەیتونێ ب سێ کیلومەتران دوور ژ سەنتەرێ قەزا شنگال ھاتە دیتن، روفاتێن ١٠ کەسێن ئێزدی دناڤدانە.
مەحما خەلیل، قایمقامێ قەزا شنگال بۆ(باسنیوز) دیارکر:” ل نێزیک دەڤەرا تل عزێر ل باشوورێ قەزا شنگال ل گوندێ زەیتونێ گورەکێ ب کۆم یێ کوردێن ئێزدی ھاتە دیتن و روفاتێن ١٠ ژن و زارۆک و زەلامان دناڤ دا ھەنە. مە داخواز ژ لێژنا جینۆسایدێ کر ڤێ گۆری ب کۆم ژی بپارێزن و بۆ جینۆسایدا کوردێن ئێزدی ل سەر کار بکەن”.
خویا ژی کر:” ھەتا نۆکە ٣٨ گۆرێن ب کۆم یێن کوردێن ئێزدی ل قەزا شنگال یێن ھاتینە دیتن و روفاتێن پتر ژ ھزار کەسان دناڤدانە. ئەم داخوازێ دکەن ئەڤ گۆرێن ب کۆم بھێنە ڤەکرن”.
تُتاح هذه الصورة أيضا في: کوردی