سنوونێ.. حەشدا شەعبی سەدان کەسێن خودان پێشەیێن تایبەت بێ کار ھێلان
باسنيوز:
رێڤەبەرێ ناحیا سنۆنێ دیارکرکو پشتی حەشدا شەعبی ھاتیە دەڤەرا سنۆنێ ب سەدان کەسێن خۆدان کار بیکار ماینە نەشین ژبەر حەشدا شەعبی قەستا سەر کارێن خوە بکەن ئەڤە بوویە ئەگەر رەوشا ئابۆری گەلەک خێزان لاواز ببیت.
نایف سەیدۆ، رێڤەبەرێ ناحیا سنۆنێ بۆ (باسنیوز) دیارکر: “ژبەر حەشدا شەعبی سەدان کەسێن خۆدان پێشەیێن تایبەت ل دەڤەرا ناحیا سنۆنێ بیکار ماینە، بەری حەشدا شەعبی بھێت ھندەک ژوان کەسان کارێن فیتەریی وپەنچەری وئاسنگەریێ و ھندەک ژی شوفێرێن ترۆمبێلان بوون رێڤینگ ڤەگوھاستن ژ شنگال بۆ دھۆکێ و زاخۆ وھەولیر و دەڤەرێن دێ لێ پشتی حەشدا شەعبی ھاتیە دەڤەری ھەموو بیکار ماینە نەشین شول بکەن”.
خۆیا ژی کر: “دێ ئاریشێن جڤاکێ دناڤ خەلکێ دەڤەرێدا دروست بن ژبەر نەبوونا دەلیڤێن کارکرنێ چونکو نوکە زۆر کارتیکرن ل رەوشا ئابۆری یا خەلکێ دەڤەرێ ھاتیە کرن”.
تُتاح هذه الصورة أيضا في: کوردی