گەنجێن ئێزدی ل ئەورۆپا دەست ب هەوا كۆمكرنا خێراتان بۆ ئاواران كر
تۆرا لالش یا راگەهاندنێ 
ب هەلكەفتا هاتنا رۆژیێن ئێزی،ژمارەكا گەنجێن ئێزدی دەست ب هەوا(گرنژینا زارۆكەكێ هەژار)ل ئەورۆپا كر،كو ماوێ نێزیكی هەیڤەكێ یە دەستپێكری بۆ كۆمكرنا خێراتا بۆ هاریكاریكرنا ئاوارێن ئێزدی ل كەمپان دا ل عێراقێ.
ئێك ژ ئەندامێن ڤێ هەوێ و گرۆپی(سالار فائز)دیاركر،مە ژمارەكا گەنجێن ئێزدی ئەڤ هزرە وەك گرۆپەك دامەزراند كو رابین ب كۆمكرنا خێراتا و هاریكاریا بۆ ئاوارەین ئێزدی ب هەلكەفتا هاتنا رۆژیێن ئێزی،مە هزرا خۆ بەلاڤكر ل ئەورۆپا ب گشتی و ل ئەلمانیا ب تایبەتی برێیا تۆرێن جڤاكی و چەند ئەندام بخۆ دانان ل ئەلمانیا و سوید و هۆلەندا…هتد ،پشتی ئەڤ خێرە ل ئەورۆپا كۆمدبت دێ ئێتە هنارتن بۆ عێراقێ و سەر ئاوارێن ئێزدی ل كەمپان ئێتە بەلاڤكرن ب رێیا لژنەكا ئێزدیا و خەلكێ وێ كەمپێ و هەموو پێزانین دێ ئێنە نڤیسین وەكی ناڤی وی كەسێ خێر وەرگرتی و كوژمێ وەرگرتی و هژمارا خیڤەتا وی ،ب راستی خەلكەكێ زۆر ژ ئێزدی و بسرمان و كرستیانا هاریكاریا مە كریە،دیسان مە هزر كریە ئەڤ خێرە بۆ هەژار و سێویێن ئێزدی بت و ل پاشەرۆژێ ژی ئەڤ گرۆپە پێكڤە كاربكەین.
هەروەسا ئەندامەكێ دی یێ هەوێ و گرۆپی(دلۆ هەسكانی)گۆت:پشتی مە هزرا خۆ بەلاڤكری،خەلكێ ژلایێ مادی ڤە هاریكاریا مە كر لسەرانسەری ئەورۆپا ب گشتی و ئەلمانیا ب تایبەتی و ئەڤ هەوە سەركەفت ،نهۆ یێ كاردكەین ڤێ هەوا خۆ بكەین ب رەنگەكێ فەرمی كو ژ ئالیا حكومەتا ئەلمانیا دانپێدان پێ بێتەكرن،داكو ل پاشەرۆژێ ژی ئەم بەردەوام بین بۆ هاریكاریكرنا هەژار و قوتابیێن ئێزدی وگرتیێن ئێزدی.
تُتاح هذه الصورة أيضا في: کوردی