كوردێن ئێزدی داخوازا رزگاركرنا گرتیێن خۆ ژ دەستێن داعش دكن
تۆرا لالش یا راگەهاندنێ
گەنجەكێ كوردێ ئێزدی خەلكێ شنگالێ كو خێزانا وی هێشتا د دەستێ تیرۆرستێن داعشێ دانە،داخوازێ ژ هەموو جیێن شۆلەژێ دكت گرتیێن ئێزدی یێن مایین رزگار بكن و ب دیتنا كەس و كارێن خۆ شاد ببن.
(رافد نایف)ئێك ژ گەنجێن كوردێن ئێزدی و زەرەرمەندێن كارەساتا شنگالێ یە،نهۆ ل كەمپا داودیێ ئاكنجیە بۆ رۆژناما دەنگێ لالش دیاركر،ل دەما كارەسات ل(3/8/2014)بسەرێ مە دا هاتی لسەر دەستێ رێكخراواتیرۆرستیا داعشێ،هنگێ ل حەمدانیە بووم ل زانكۆیێ و گەهشتمە ناوچەداریا باعەدرێ لێ ب لێبۆرین ڤە نكاری بگەهمە خێزانا خۆ و ل وێ كارەساتێ دەیك و باب و ژنمام و داپیرا خۆ ژ دەست دان،ل هەیڤا (٤) یا سالا( ٢٠١٥)ێ ژنماما من ژ دەستێن تیرۆرستان هاتە رزگاركرن و پشتی وی دەمی ئەم چووینە ناڤ كەمپا داودیێ دا و ل پشتی وی دەمی ب چار هەیڤان هندەك جاران ب دەیكا خۆ را دئاخڤتم و ل وی دەمی گۆت ئەم یێ ل تەلەعفەرێ نە ل تاخێ خەزرا و هەتا نهۆ چ تشتی ژێ نزانم،ژبەركو هێلا تەلەفونێ دناڤبەرا مە دا هاتە برین و گۆت:(( داخوازێ ژ هەموو جیێن شۆلەژێ دكت گرتیێن ئێزدی یێن مایین رزگار بكن و ب دیتنا كەس و كارێن خۆ شاد ببن)).
هەروەسا رۆنكر،ژبلێ رزگاركرنا گرتیێن خۆ مە چ تشتێ دن نەڤێت و تەنها ب دیتنا كەسوكارێن خۆ شاد ببینە ڤە.
تُتاح هذه الصورة أيضا في: کوردی