جڤاتا شنگال: خەلکێ شنگال بۆ دەرئێخستنا ناسنامەیان 100 ھزار دیناران دانە وان کەسێن معاملا رێڤەدبەن
باسنيوز:
ئەندامەکێ جڤاتا قەزا شنگال دیارکرکو نوکە ھەر کەسەکێ خەلکێ شنگال ناسنامە باری کەسایەتی بخو دروست بکەت پێدڤیە 100 ھزار دیناران بدانە وان کەسێن معاملا یان شولا وێ رێڤەدبەن ل دائێری.
خەیری خانەسۆری، ئەندامێ جڤاتا قەزا شنگال بۆ (باسنیوز)، دیارکر: “بەری نوکە نڤیسینگەھا دائیرە ناسنامەیێن باری کەسایەتی ل دھۆک ھاتبوو ڤەکرن بۆ خەلکێ شنگال لێ پشتی حەشدا شەعبی شنگال داگیرکری بریار دان دائیرە ناسنامەیا باری کەسایەتی بۆ مووسل بھێتە ڤەگوھاستن ل دھۆکێ نەھێلان و90% ھیشتا خەلکێ شنگال ل دھۆکێ نەشین بچنە مووسل ودەمێ کەسەکێ پێدڤی ناسنامێ بیت ژنەچاری 100 ھزار دیناران دداتە وان کەسێن ل دائیری شولا وێ رێڤەدبەن ئەو نەشیت ھەتا ناسنامە بۆ خەلکێ شنگال دھێتە چێکرن”.
خۆیا ژی کر: “ھندەک خێزانێن ئێزدی پتر ژ 100 ھزار دیناران دانە وان کەسێن بیژنی (معقبین) ھەتا شولا وێ بھێتە رێڤەبرن ئەڤ کوژمێ پاری بارگرانیا ل سەر خەلکێ شنگال وداخازی دکەن رێڤەبەریا ناسنامەیا ل دھۆکێ بۆ خەلکێ شنگال بھێتە دانان”.
تُتاح هذه الصورة أيضا في: کوردی