بنگەهێ لالش هەیڤانە هاریكاریێن دارایی پێشكێشی قوتابیێن ئاوارە ل شێخان دكت
تۆرا لالش یا راگەهاندنێ
لدووڤ بەرنامەكێ دارێتی بنگەهێ لالش تایێ شێخان،هەیڤانە هاریكاریێن دارایی پێشكێشی قوتابیێن ئاوارەیێن شنگالێ یێن ل قەزا شێخان ئاكنجی دكت.
بەرپرسێ بنگەهێ لالش تایێ شێخان(ئازاد موراد)بۆ دەنگێ لالش راگەهاند،لدووڤ پێچێبوون و شیانان مە بەرنامەكێ هەیڤانە هەیە رادبین ب پێشكێشكرنا هاریكاریێن دارایی بۆ هەتا(3)قوتابیێن ئاوارەیێن شنگالێ یێن رەوشا وان یا ئابووری یا لاواز بت ل پەیمانگەها شنگال و كولیژا پزیشكی پشكا شرۆڤێن نەخۆشیان ل قەزا شێخان،ل پێ زانیاریێن بۆ مە دئێن كو بزانین قوتابیێ دێ خووندنا خۆ هێلت ژبەر رەوشا ئابووری ئەم هنگێ ڤێ هاریكاریێ ددەینێ.
تەكەزكر ژی ئەگەر قوتابیێن ئاوارەیێن شنگالێ هەبن بارێ وان یێ ئابووری لاواز بت چ ل كەمپان یان قوتابخانێن ناڤەندی و كاڤلان دا دناڤ شێخان دا،لگۆر زانیاریان كو پێتڤی بت هنگێ ڤێ هاریكاریێ پێشكێش دكەین.
تُتاح هذه الصورة أيضا في: کوردی