ئاستێ قوتابیێن ئێزدی سالا بۆری باشتر بوویە
راپۆرت:سەلام سەبری
ئاستێ زانستی ب رەنگەكێ گشتی نزم بوویە و قەیرانا نهۆ یا دارایی یا هەرێما كوردستانێ ڤەگرتی و سیستەمی و نە دامەزراندنێ و تەكنلۆژیایێ كارتێكرن ل مامۆستایان و قوتابیان كریە،مامۆستایەك ژی ئاشكەرا دكت كو ئاستێ قوتابیێن ئێزدی سێ سالێن بۆری ئێك جار لاواز بوون،لێ سالا بۆری باشتر بوویە و ژ قوتابیێن سەركەفتی نە،چەند رەوشا ئێزدیان بەرەف باشبوونێ ڤە بچت و ترس ل سەر نەمینت دێ پتر گرنگیێ دەنە خووندنا خۆ.
(وەهاپ وەزیر) قوتابیێ قۆناغا شەشێ ئامادەیی یە دیاركر،ئەگەر قوتابخانە هەر هۆسا بت و مفا نەبت لەوا قوتابی وەكی سالێن بەرێ گرنگیێ نادەنە خووندنا خۆ وئەگەر مە زانیبا خۆ هەتا دامەزراندن ژی نەبت ئەگەر ب داوی بێن لمە خودان دەركەڤن و ببنە خودان كار هەتا كەرتێ تایبەت ژی بن كار بۆ مە دەست نیشان كربان،دێ مە پتر خۆ ماندی كربا و باوەریا مە وێ هەبە ژ كولیژو پەیمانگەهان،سەر هندێ را هەر قوتابیێن مە بەردەوامیێ دەنە خووندنا خۆ ودبەنە سەری ، گرنگیا قوتابخانێ بۆ مرۆڤی گەلەكە و پاشەرۆژا مە تێدایە،دخوازم قوتابیێن مە خووندنا خۆ ببەنە سەری،هەروەسا گەلەك قوتابی نهۆ هەنە پتریا خێزانێن وان دەرڤەی وەلاتی دژین ئەوژی چ دەمێ چوونە دەرڤە گەلەك گرنگیێ نادەنە خووندنێ و قوتابیێن مە نهۆ هەژارن وەكی بەرێ گێول نەماینە،قەیرانا نهۆ یا دارایی ل هەرێمێ كارتێكرن ل قوتابیان كریە و پێتڤی مەزاختنێ هەنە،چنكو رەوشا نهۆ كارتێكرن لمە كریە و پتریا دەرچوویێن مە بێكارن و ناگەهتە چ قۆناغا وقوتابی هەنە بەر خووندنا خۆرا كارەكێ دی دكن،داكو ژیانا خۆ بەنە سەری،ژبەركو پێتڤیا خەلكێ ب دراڤی هەیە،گۆتژی بێنڤەدانا رۆژا شەمبوویێ بارێ مە گرانتر لێ كریە بۆ خووندنێ.
مامۆستا(عەنتەر كەلۆ) خویاكر،ئاستێ زانستی ب رەنگەكێ گشتی نزم بوویە و سیستەم كارتێكرنا خۆ ل قوتابیان كریە و قەیرانا نهۆ یا دارایی گەلەك كارتێكرن ل مامۆستایان و قوتابیان كریە،هەردیسا نە دامەزراندنێ كاتێكرنەكا مەزن ل وان كریە، دەرچوویێن مە یێن كولیژ و پەیمانگەهان ژبەر بێكاریێ دەروونێ خەلكەكی ب گشتی تێك دایە و دەیك و باب وەكی بەرێ فشارێ ل زارۆكێن خۆ ناكن بۆ خووندنێ ،ئەگەر دەیك و باب پشتەڤانیا وان نەكن گوه نادەن قوتابخانێ و ئەو فەكتەرەكێ سەرەكینە بۆ زارۆكێن خۆ ئەگەر نە دهاریكاربن ئاستێ قوتابی خراپتر لێ دئێت و قوتابی نە خوونن و بێنە پۆلێ دا گازند پتر لێ دئێن و ئاریشێن وی زێدە دبن گەلەك وێت هەین دڤێن فێری خووندن و نڤیسینێ بن بۆ خۆ ل كارەكێ دی بگەرن،ئاستێ زاستی ب شێوەیەكی گشتی كێم بوویە و نهۆ قوتابیێن مە بارا پتر قوتابیێن كچ دزیرەكن گرنگیێ دەنە قوتابخانێ، قوتابیێن مە یێن كور تا رادەكی وێ هەنە یان ڤێنە هەرنە دەرڤەی وەلاتی یان كارەكی بۆ خۆ بكن ،كچ دمالێ دایە وگرنگیێ دەتە خووندنا خۆ بەلێ قوتابیێ كور و كارتێكرنا هەڤالا و كار و دەرڤە و پتریا قوتابیێن كورن قوتابخانێ بجێ دهێلن سال بۆ سالێ بەرەف زێدەبوونێ یە و هتد، ئاماژە ب وێ چەندێ دا كارتێكرنا قەیرانێ ژی سەر مامۆستایی و قوتابی ژی ناخوونن دەروونێ مامۆستایێ پتر تێك دچت و دبینم ئاستێ پەروەردێ ئەڤ سالێن بۆری نە دباشبوونێ دایە،ئەگەر بارودۆخێ نهۆ بزڤرن وەك بەرێ و پەیدابوونا كاری بۆ خەلكێ،قوتابی دێ پتر گرنگیێ دەتە خووندنا خۆ،هەروەسا یا گرنگ دەیك و باب تنێ چاڤەرێ دامەزراندنێ نەبن هندەك كارێ دی ژی و پشتەڤانێ زارۆكێن خۆبن،داكو خووندنا خۆ ب داوی بینن.
مامۆستا(شوكری رەشید) گۆت:ئاستێ قوتابیێ مە هاتیە خوار تایبەت دگەل بەری هاتنا داعش وجینۆسایدا بسەرێ ئێزدیان هاتی و ترس ل جەم خەلكی پەیداكرن و هەردیسا كۆچكرنا ئێزدیان كارم بێژم ئێزدی دەربەردەربوون،هەروەسا نەبوونا دەمەزراندنێ و قەیرانا دارایی و بارودۆخێ ئیرۆ كارتێكرن بەلكو نە ل مە تنێ بەلكو ل جڤاكی ب گشتی كریە بەری روودانێن بسەرێ مەدا هاتین قوتابیێن ئێزدیا دزیرەك بوون وهەتا نهۆ ژی هەر بەردەوامن،بەلێ نە وەكی بەری كارەساتێ چنكو گەلەك قوتابیان كولیژو پەیمانگەهێن خۆ هێلان و چوونە دەرڤەی وەلاتی وئەگەر ژی رەوشا ئیرۆ و كارەسات و یان خۆشكرنا ژیانا خۆ،دیاركرژی سێ سالێن بۆری ئێك جار قوتابیێن مە لاواز بوون بەلێ سالا بۆری باشترن چەند رەوشا ئێزدیا بەرەف باشبوونێ ڤە بچت و ترس سەر نەمینت قوتابیێن مە پتر گرنگیێ ددەنە خووندنا خۆ،نهۆ ژی سالانە رێژەكا باش یا قوتابیان دچنە كولیژو پەیمانگەهان سەر بارودۆخێ نهۆ ژی را ئانكو قوتابیێن مە ژ قوتابیێن سەركەفتی نە،ژلایەكێ دنڤە تەكنلۆژیا گەلەك كارتێكرن ل قوتابیان كریە رۆژانە پێڤە هاتینە گرێدان و دخوازم قوتابیێن مە هەر تشتێ گرنگتر ئیرۆ خووندنا خۆدا سەركەفتی بن.
تُتاح هذه الصورة أيضا في: کوردی
