ئێزدیان تایبەتمەندیەك ل جەم پارتی هەیە
قادر قەچاخ:شنگال دێ ڤەگەرتە سەر باوەشا هەرێما كوردستانێ
تۆرا لالش یا راگەهاندنێ/دهۆك
بەرێز”قادر قەچاخ”ئەندامێ سەركردایەتیا پارتی دیموكراتی كوردستان و بەرپرسێ لقێ(17)یێ پارتی ل شنگال دیاركر كو ئێزدیان تایبەتمەندیەك ل جەم پارتی هەیە و پێشەرۆژەكا گەش ل پێشیا وانە،تەكەز كر ئەوا دخزمەتا خەلكێ شنگالێ دا بت ئەو هەموو هەولێن خۆ بێختە كاری بۆ سەر ئێخستنا خەلكێ شنگال.
ل رۆژا شەمبوویێ 20/1/2018،ل هۆلا بنگەهێ لالش دەستەیا بلندا بنگەهێ لالش یێ رەوشەنبیری و كۆمەلایەتی سمینارەك بۆ بەرێز بەرێز”قادر قەچاخ”ئەندامێ سەركردایەتیا پارتی دیموكراتی كوردستان و بەرپرسێ لقێ(17)یێ پارتی ل شنگال ل ژێر ناڤێ(ئێزدی_ئەڤرۆ و ئایندە)ل دارخست،ب ئامادەبوونا كۆمەكا كەسایەتیێن سیاسی و ئیداری و رەوشەنبیری و ئەندام و كادرێن بنگەهێ لالش.
ل پێشیێ وەك رێزگرتن بۆ گیانێ جانگۆریێن كوردستانێ و سەروەرێ وان بارزانیێ نەمر و ئدریسێ جوانە مەرگ،ئامادەبوویی خۆلەكەكێ سەكنین،لدووڤ دا بەرێز بەرێز”قادر قەچاخ”دەست ب سمینارا خۆ كر و دیاركر:”شانازیێ دبەم ئەز ئێك ژ دامەزرینەرێن بنگەهێ لالشم و وەك پێتڤیەكا دیرۆكی و كەلتۆری و رەشەنبیری ژبۆ چاندنا بزاڤا رەوشەنبیری پێتڤی هاتە زانین كو ئەڤ بنگەهە بێتە دامەزراندن و یێ پێتڤی بوو،كو پێتڤی هاتە زانین كو گهۆرینەكا دی سەركەلتۆری كوردێن ئێزدی بینتە خوارێ هاتە دامەزراندن،هیڤیدارین ئەم پێكڤە هاریكاربین بۆ شالاندنا بزاڤا رەوشەنبیری و سوپاسیا بنگەهێ لالش لالش دكەین كو دماوێ ڤان چەند سالان دا كارەكی زۆر بیرۆز كریە و گەلەك كەلتۆر كۆمكریە و گەلەك ئێش وژانێن ڤی مللەتی بەرچاڤكرینە و سەر خەباتا خۆ بەردەوامە”.
دتەوەرەكێ دی دا قەچاخ ب تێر و تەسەلی رەوشا نهۆ شلۆڤەكر و دیاركر:”ئیزدیان تایبەتمەندیەك ل جەم پارتی هەیە و پێشەرۆژەكا گەش ل پێشیا وانە و سۆزدا ئەوا دخزمەتا خەلكێ شنگالێ دا بت ئەو هەموو هەولێن خۆ بێختە كاری بۆ سەر ئێخستنا خەلكێ شنگال”.
ژلایەكێ دی ڤە ئەندامێ سەركردایەتیا پارتی دیموكراتی كوردستان و بەرپرسێ لقێ(17)یێ پارتی ل شنگال گۆت:”هیڤیدارین كو بشێین د دەمەكێ كێم دا جارەكا دی ڤەگەرینە شنگال و شنگال یا شنگالیانە و یا كوردانە و كوردستانیانە و ژمێزە جیێ بەرەنگاریێ یە و شنگال ژكوردستانێ نائێتە جوداكرن و دێ ڤەگەرتە سەر باوەشا هەرێما كوردستانێ و كوردێن ئێزدی ژكوردێن دی نائێنە جوداكرن”.
ل داویا سمینارێ دەرگەهێ دانوستاندنێ هات ڤەكرن و ئامادەبوویان چەندین پرسیار ئاراستەی بەرێز””قادر قەچاخ” كرن و بەرسڤ لسەر هاتە دان.
تُتاح هذه الصورة أيضا في: کوردی