ئاوارێن كەمپا خانكێ داخوازا هاریكاریان دكن
تۆرا لالش یا راگەهاندنێ/لەیت حسێن 
ژمارەكا خێزانێن ئاوارەیێن شنگالێ دكەمپا خانكێ یا وەختی دا ئاكنجی نە،كو دسەخترین رەوش دا ژیانا خۆ دەرباز دكن و ژ چەندین هاریكاری و پێتڤیێن وەرزێ زڤستانێ بێ بەهرن،ئەو داخوازا هاریكاریێن زێدەتر دكن.
(حەجی مسكین)ئێك ژ ئاوارێن كەمپا ناڤبری یە دبێژت:ژ دەستپێكا هاتنا مە بۆ ڤێ كەمپێ وهەتا نهۆ پێتڤیێن زڤستانێ وەك پێتڤی مە وەرنەگرتینە و بێ بەهرین،ژبلی كو ل سالا پێشیێ هندەك خزمەتێن كێم گەهشتنە مە و هەر ژ نێزیكی دوو هەیڤان یان زێدەتر جلكا د دەنە مە لێ دكەڤنن و ب هیچ شێوەیەكی بۆ لبەر خۆكرنێ نەدگونجاینە و ئاهێن خوارنێ ژی گەلەك كێمن،دیسا هەر ژ دەمەكا درێژ كو زێدەتری سێ هەیڤان ژنوو جارەكێ دئێت وب ئێكجاری تێرا مرۆڤی ناكت،لەوا دخوازین پتر هاریكاریا خەلكێ كەمپێ بێتە كرن.
هەروەسا ئاوارە(زێد خەلەف)دیاركر،ئەڤ كەمپە یا وەختی لبەر جادا سەرەكی یا كۆمەلگەها خانكێ هاتیە دانان و دئێتە ناسكرن ب كەمپا نە سەرەكی و دسەخترین رەوش دا ژیانا خۆ دەرباز دكن،ئەڤجا داخوازا مە ئەوە ژلایێ ساخلەمی و خووندنێ و پێتڤیێن زڤستانێ هاریكاریا خەلكێ وێ بێتە كرن.
تُتاح هذه الصورة أيضا في: کوردی