مەحما خەلیل: 16 ههزار خانیێن وهلاتیێن شنگالێ هاتینە وێرانكرن
باسنيوز:
قائیممقامێ قەزا شنگال راگەهاند كو هەر ژ رۆژا كۆنترۆلكرنا داعش و هەتا هاتنا میلیشیاتێن حەشدا شەعبی بۆ شنگال، دەڤەر بەرەڤ وێرانكرنێ یە و هەتا نها 85% ژ قەزا شنگال هاتیە وێرانكرن و ئەو 15% یا مایی ژی ژیان تێدا ناهێتە كرن.
مەحما خەلیل، قائیممقامێ قەزا شنگال بۆ (باسنیۆز) دیاركر كو د شەرێ داعش و تیرۆرێ دا شنگالێ ژ هەردوو ئالیێن ئاڤاهیان ڤە و ژ ئالیێ مرۆڤان ژی ڤە ژ هەموو دەڤەرێن عیراقێ پتر زەرەر و زیان داینە، 85% ژ دەڤەرێ بهێتە وێرانكرن كارەكێ ب ساناهی نینە جارەكا دی بهێتە ئاڤەدانكرن و گۆتیشی: هەموو دەزگەهێن میری و حزبی ل شنگال و ژێرخانا ئابووری هاتینە ژناڤبرن.
ئاشكرا ژی كر، ل قەزا شنگال نێزیكی 16 هزار خانیان هاتینە خرابكرن و وێرانكرن و ژ ڤێ هژمارێ ژی نێزیكی هەشت هزار خانیان ل سەنتەرێ قەزا شنگالێ نە و گۆت: ئەم ژ نوونەرێن كورد دخوازین ئەوێن د كۆنگرێ كوێت دا دپشكدار خەمێ ژ ئاڤەدانیا شنگال بخۆن، چونكو هەتا نها پتر ژ 300 هزار هاوولاتیێن شنگال د ئاوارەنە و هەكە شنگال بهێتە ئاڤاكرن ڤە، رەنگە ب ڤەگەرنە سەر مال و مۆلكێن خوە و دەست ب ژیانەكا نوو بكەنەڤە.
تُتاح هذه الصورة أيضا في: کوردی