كوردێن ئێزدی جهژنا خدرلیاس دگێرن
تۆرا لالش يا راگههاندنێ
جهژنا خدرلياس ئێك ژجهژنێن كوردێن ئێزيديه،ئهڤ ساله دكهفته رۆژا پێنج شهمبوويێ 15/2/2018.
شهمۆ قاسم،بهرپرسێ لژنا رهوشهنبيرى يا دهستهيا بلندا بنگههێ لالش ل دهۆكێ بۆ(تۆرا لالش يا راگههاندنێ)دياركر:”ئەڤ جەژن ئێك ژ جهژنين مه ئيزديايه د كەفتە د پێنج شەمبووا ئێكێ ژ مەھا سباتا رۆژھلاتێ ئانكو بۆ ئهڤ ساله دكهفته رۆژا پێنج شهمبوويێ 15/2/2018 ب سالناما رۆژئاڤا وسێ رۆژا بەرى ھنگى( دوو شەمبوويێ – سێ شەمبوويێ _ چار شەمبوويێ ) رۆژينە و پێنج شەمبوويێ دبتە جه ژنا خدر لياس ورۆژا ئينيێ جه ژنا خدر نه بى يه وئەڤ رۆژى خێرن نەفەرزن وپەيوەندى ب وەرزێ چاندنێ ڤە ھەيە ودبێژن خدر لياس و ساڵ خلاس و دووڤ بير وباوهرێن ئێزيديان ئهڤ جهژنه دبته رۆژا ئه ڤيندارا وزێدهبوونێ”.
دهربارهى رێورهسمێن جهژنێ گۆت:”لڤێ جهژنێ سەربڕ نائێنە سەرژێكرن، نابت بچنه رێ و رێبوارى دووور،ل رۆژێن رۆژيا و رۆژا جەژنێ نێچير قەدەغەيە،ههفت تامين دانه ويلا د قەلينن وهكى گهنم ودهندك وگارس ونوك هتد…دبێژنێ قەلاتك ، ئەڤە ژى نيشانا ب داوى ھاتنا وەرزێ چاندنێيە،قەلاتكا دھێرن و دبێژنێ (( پێخوون))،رۆژا جەژنێ جۆتيار ھندەك پێخوونێ دبهته ناڤ زەڤيێن خۆ يێن چاندنێ بۆ خێر و بەرهكەتێ،ل رۆژا جهژنئ ساڤارێ قهلاندى دكهلينن ودبێژنێ چهرخووس”.
تُتاح هذه الصورة أيضا في: کوردی