شاندەكێ حكومەتا كوردستانێ بۆ جینۆسایدا ئێزدیان قەستا فەرەنسا دكت
باسنيوز:
رێڤەبەرێ نڤیسینگەها رزگاركرنا رەڤاندیێن ئێزدی ل دهۆكێ دیاركركو شاندەكێ حكومەتا هەرێما كوردستانێ قەستا فەرەنسا كریە بۆ جینۆسایدا ئێزدیان. دێ بۆ ماوێ سێ رۆژان دان وستاندنێ دگەل حكومەتا فەرەنسا كەن ل سەر جینۆسایدێ.
حوسێن قائیدی، رێڤەبەرێ نڤیسینگەها رزگاركرنا رەڤاندیێن ئێزدی ل دهۆكێ بۆ(باسنیوز) دیار كر: “شاندەكێ حكومەتا هەرێما كوردستانێ یێ پیكهاتیە ژ بەرەڤان حەمەد بریكارێ وەزارەتا شەهید وئەنفالكریان ل هەرێما كوردستانی و لەنجە دەزیی راوێژكار ل وەزارەتا شەهید وئەنفالكریان وكامیران هەلەبجەیی رێڤەبەرێ گشتی یێ شەهید وئەنفالكریان ل هەلەبجە و حوسێن قائیدی رێڤەبەرێ نڤیسینگەها رزگاركرنا رەڤاندیێن ئێزدی. ئەڤ شاندا حكومەتا هەرێما كوردستانێ دێ گەل داواكارێ گشتیی یێ فەرەنسا كۆم بیت، دێ گەل وەزارەتا ناڤخۆیا فەرەنسا ژی چەندین دان وستاندن ل سەر جینۆسایدا كوردان هێنە كرن”.
خویا ژی كر: “شەڤا بۆری شاندەكێ حكومەتا هەرێما كوردستانێ دەست ب كارێ خوە كریە ل فەرەنسا، دێ بەردەوام بن و هەموو هەولدانان كەن بۆ دەستڤە ئینانا پشتەڤانیێ بۆ ناساندنا جینۆسایدا ئێزدیان.”
تُتاح هذه الصورة أيضا في: کوردی