زارۆکێن رزگاربوویێن ئێزدی فێری زمانێ دایكێ دهێنە كرن
باسنيوز:
بەرپرسێ نڤیسینگەها رزگاربوویێن ئێزدی راگەهاند كو 90% ژ وان زارۆیێن ئێزدی یێن هەتا نها رزگاربووین زمانێ دایكێ ژبیركرینە و ب تنێ ب زمانی عەرەبی و توركومانی و هندەك ژی ب زمانێ ئنگلیزی دئاخڤن.
حوسێن قائیدی، بەرپرسێ نڤیسینگەها رزگاربوویێن ئێزدی ل پارێزگەها دهۆكێ بۆ (باسنیۆز) دیار كر، هەتا نها پتر ژ 3250 كوردێن ئێزدی ژ دەستێن داعش رزگاربووینە و ژ ڤی سەرجەمی ژی 1990 زارۆنە و پتریا وان نها زمانێ دایكێ یێ كوردی ژ بیركرینە، ئەو زارۆیێن ل سۆریا دهێنە رزگاركرن ب تنێ ب زمانێ عەرەبی یان ئنگلیزی دپەیڤن و ئەو زارۆیێن ل توركیا دهێنە رزگاركرن ب تنێ ب زمانێ توركی دئاخڤن
ئاشكرا ژی كر كو پشتی زارۆیێن ئێزدی ژ دەستێن داعش رزگاردبن، بەرنامەكێ تێروتەسەل دهێتە دانان بۆ هندێ جارەكا دی ب زمانێ دایكێ باخڤن، خێزان و قوتابخانە هەتا رادەیەكێ باش هاریكاریا مە دكەن بۆ جێبەجێكرنا فێربوونا زمانێ كوردی.
تُتاح هذه الصورة أيضا في: کوردی