بەغدا رێ نادەت حكوومەتا هەرێمێ دەست ب ئاڤەدانكرنا شنگالێ بكت
تۆرا لالش یا راگەهاندنێ
فەرماندێ گشتی یێ هێزێن پێشمەرگەی ل شنگال دیاركر كو حكوومەتا عێراقێ بێدەنگە لسەر شنگال و رێ نادەت حكوومەتا هەرێما كوردستانێ دەست ب ئاڤەدانكرن و دووبارە زڤراندنا ژیانا ئاسایی بۆ دەڤەرێ بكت،ب هەبوونا حەشدا شەعبی و رەفتارێن وان یێن نەیاسایی چ پاشەرۆژ بۆ دەڤەرێ نینە.
(قاسم شەشۆ) بۆ رۆژناما دەنگێ لالش دیاركر،ئەم ئاخا شنگال ب تشتەكی پیرۆز ددانن ژبەركو مە خوون لسەر رژاندیە و ئاخا جانگۆریێن مەیە و ئەم رێ نادەن كو شنگال بێتە رژتن وەكی خوونا مەیا هاتیە رژتن لسەر ئاخا وێ،ئەم بۆ هەموو لایەنێن سیاسی دبێژن بەرژەوەندیێن شنگال ل پێش بەرژەوەندیێن هەوە نە و وە پێتڤی ب ئاڤەدانكرنێ و رێكخستنێ نینە،لێ شنگال یا پێتڤی بڤان تشتان هەیە و ب پشت بەستن بڤێ رەوشا نهۆ چ ژ پاشەرۆژا شنگال نزانین و یا وندایە و ب هەبوونا حەشدا شەعبی و رەفتارێن وان دگەل خەلكی و سیستەمێ وان یێ نەشاز و بێ یاسە چ پاشەرۆژ بۆ دەڤەرێ نینە و گۆت:((حكوومەتا عێراقێ بێدەنگە لسەر شنگال و رێ نادەت داكو هەرێما كوردستانێ دەست ب ئاڤەدانكرن و دووبارە زڤراندنا ژیانا ئاسایی بۆ دەڤەرێ بكت، گۆڕێن بكۆم ژی بێ خودان ماینە و ژ هەرێمێ و قادا نێڤ دەولەتی دخوازین كو بێنە دەنگ دڤی دەربارەی دا،ژبەركو هەتا بناڤێ وەلاتێ مە ب مە هاتیە تالكرن ژبەر وێ پشتگۆهاڤێتنا كو ل هەمبەر مە دكن)).
زێدەتر گۆت:هێزێن پەكەكێ خۆ ب سەروەرێن شنگال ددانن،لێ چ مفا نەگەهاندینە شنگال و خەلكێ وێ و بتنێ هەبوونا خۆ بلند دنرخینن و هەبوونا وان كەرتێ خووندنێ پاش ئێخستیە،ئەڤە فەرمانە بەلێ ژ جۆرەكی دی.
تُتاح هذه الصورة أيضا في: کوردی