ئێكەم تیما وەرزشی یا ئێزدیان بزاڤێ دكت پشكداری خۆلێن عێراقێ و هەرێمێ ببت
تۆرا لالش یا راگەهاندنێ
تیما(محبە) ئێكەم تیما وەرزشی یاتەپا پێ یە ژ ژمارەكا یاریزانێن ئێزدی ژ دەڤەرێن جودا جودا یێن ئێزدیان پێكهاتیە و ل سالا(2011)ێ ل ناوچەداریا گرعزێر ل شنگالێ هاتیە دامەزراندن،هەتا نهۆ زێدەتر ژ (10)ناسناڤان ب دەستخۆڤە ئیناینە و بزاڤێ دكت پشكداری خۆلێن فەرمی یێن عێراقێ و هەرێمێ ببت.
گۆلپارێزێ تیما محبە(عومران حسێن)بۆ رۆژناما دەنگێ لالش راگەهاند،تیما مە ژ تیمێن هەرە باش و دیارە ل دەڤەرێ دا،لێ ژبەر نەبوونا هاریكاری و پشتەڤانیێ ژلایێ جیێن شۆلەژێ ڤە،هەتا نهۆ مە نكاریە ل خۆلێن ئاست بلند یێن سەرانسەری هەرێمێ و عێراقێ پشكداریێ بكن،لێ ل سەرانسەری دەڤەرێن ئێزدیان كو ژ دەستپێكا چێكرنا تیمێ زێدەتر ژ (10)ناسناڤان ب دەستخۆڤە ئیناینە و ئەم هەتا نهۆ ژی دبەردەوامن، ،هەروەسا مە شیانێن مەزن هەنە و یاریزانێن مەژی ژ یاریزانێن هەرە باشن لسەر هەموو دەڤەرێن ئێزدیان و ئەگەر هاریكاریا مە بێتە كرن دێ بزاڤێ كەین ل خۆلێن فەرمی یێن عێراقێ و هەرێما كوردستانێ دا پشكداربن.
گۆتژی دەما ئەم ل گرعزێر بەری كۆمكوژیا شنگالێ مە ب (11)یاریزانان یاری دكر،لێ ژبەر بچووكاتیا یاریگەهان ئەم نهۆ بتنێ ب(7)یاریزانان یاریێ دكەین،سەبارەت پشكداریكرن د قارەمانیێن بچووكری یێن بێت دا مە لبەرە ل خۆلەكێ دا پشكداربن،لێ نهۆ ل شنگالێ ژبەر رەوشا نەباش و نە رێكخستنا قارەمانیان چ خۆل لێ نائێنە برێڤەبرن.
رۆنكر ژی ئەم دێ هەموو هەولان ئێخینە كار و ب هەموو شیانێن خۆ دێ كاركەین،دا بگەهنە خۆلێن مەزن و پشكداریێ تێدا بكن و بكاربن دەستكەفتی و ناسناڤێن مەزن و دیار ب دەستخۆڤە بینن.
تُتاح هذه الصورة أيضا في: کوردی