دەزگەهێ خێرخوازیێ بارزانی هاریكاری لسەر ئاكنجیێن شنگالێ بەلاڤكرن
تۆرا لالش یا راگەهاندنێ 
دەزگەهێ خێرخوازیێ بارزانی و ب هەماهەنگی دگەل كونسولخانەیا وەلاتێ كوێتێ ل هەولێرێ،هاریكاری لسەر ئاكنجیێن شنگالێ بەلاڤكرن.
بەرپرسێ ئۆفیسا دەزگەهێ خێرخوازیێ بارزانی ل شنگالێ(پیر دیان)بۆ دەنگێ لالش خویاكر،پشتی هاتنا حەشدا شەعبی بۆ شنگالێ ئێكەم دەزگەه و لایەن دەزگەهێ خێرخوازیێ بارزانی بوویە هاریكاریان دگەهینتە شنگالێ،كو ل چەند رۆژێن بۆری و ب هەماهەنگی دگەل كونسولخانەیا وەلاتێ كوێتێ ل هەولێرێ هەزار كارتۆنێن ماددەیێن خوارنێ تێدا بوون بسەر خەلكێ شنگالێ دا بەلاڤكرن و دێ دبەردەوام بین بۆ گەهاندنا هاریكاریان،ژبەركو خەلكێ شنگال زەرەرمەندترین خەلكە و ژ هەموویان شایستەترە بۆ هاریكاریان ژبەر هەموو رێكخراو و دەزگەهێن دی چ هاریكاری بۆ وان دابین نەكرینە.
ئەو چەندە ژی ئاشكەراكر،ئاكنجیێن شنگال قوربانیێن ململانێن سیاسی نە و ئەڤ ململانێ بووینە ئەگەرێ نە گەهشتنا هاریكاریا بۆ بەر دەستێن وان،پشتی ل ڤێ داویێ شنگال ژلایێ حەشدا شەعبی ڤە هاتیە داگیركرن ب ئێكجاری هاریكاری نەگەهشتینێ یە.
تُتاح هذه الصورة أيضا في: کوردی