پەیامەك ژ بنگەهێ لالش ب هەلكەفتا بانگەشەیا هەلبژارتنان
خەلكێ شەرەفمەندێ كوردستانێ ل هەموو دەڤەرێن كوردستانێ ب تایبەت دەڤەرێن ئێزدیان
نایێ ڤەشارتن كو بانگەشەیا هەلبژارتنان ب شێوەیەكی فەرمی دەستپێكر بۆ هەلبژارتنێن ئەنجوومەنێ نوونەرێن عێراقێ كو بریارە ل (12/5/2018) بێنە ئەنجام دان..ئەم ل بنگەهێ لالش بەختەكی مەزن بۆ كاندیدێن خۆ خۆ دخوازین و ژمە تێتە خوازتن مینا جاران ئەم ل رێزا پێشیێ بن چنكو ئەڤە ئەركەك نەتەوی و كوردستانی یە و ب هەموو شیان بنگەهێ لالش ب ئەندام و لایەنگرێن خۆڤە دێ پشتەڤانیا سەركەفتنا ڤێ پرۆسێسا دیموكراتی كت..ئەركێ مەیێ سەرەكی ژی هاندان و هشیاركرنا خەلكێ مەیە بۆ هندێ پشكداری ڤان هەلبژارتنان بن چنكو چارەنڤیسێ دۆزا مە یا كوردی وێ ب هەبوونا كاندیدێن مە بێتە سەلماندن..و ئەم گەهشتنە وێ باوەریێ ب تایبەت ژی ڤان چار سالێن دەربازبوویی كو مە ئێزدیان نە بەدیلێ كوردستانێ هەیە نە بەدیلێ پێشمەرگەی مە هەیە نە بەدیلێ سەرۆك بارزانی مە هەیە و پشت راستین رەوشا ئالۆز یا نهۆ وێ بێتە گوهارتن ب سایا سیاسەتا حەكیمانەیا سەرۆك بارزانی..لەوا هیڤیدارین ژ خەلكێ چ لسەر ئاستێ پارێزگەها مووسل چ لسەر پارێزگەها دهۆك و وژدانا خۆ رازی كن دەرهەقا ئاخا خۆ دەرهەقا قوربانیدانێن خۆ و دەرهەقا كوردستانا خۆ دا و هیڤیدارین وان كەسا ب هەلبژێرن كو ئەو كەسێن ب كێر هاتی بۆ هندێ ببنە دەنگێ راستەقینەیێ گەلێ مە ب تایبەت ژی كوردێن مە یێن ئێزدی..
ئاڤەدان بت كوردستان..نەمری و سەروەری بۆ جانگۆریێن كوردستانێ سەرشۆری بۆ دوژمن و نەحەزێن مرۆڤایەتیێ.
شێخ شامۆ
سەرۆكێ دەستەیا بلندا بنگەهێ لالش یێ رەوشەنبیری و كۆمەلایەتی/دهۆك
14/4/2018
تُتاح هذه الصورة أيضا في: کوردی