قارەمانیەكا تۆپكانێ ل كەمپا دەركارێ ب داوی هات
تۆرا لالش یا راگەهاندنێ 
ب هەلكەفتا جەژنا سەر سالا ئێزدیان،قارەمانیەكا تۆپكانێ ل كەمپا دەركارێ هاتە ئەنجام دان.
ئیرۆ شەمبوویێ 14ی نیسانا2018ێ یاریا داویێ یا قارەمانیا تۆپكانێ یا بچووككری ل كەمپا دەركارێ دناڤبەرا تیمێن(خالد دنایی،عەمار ئەلمەدریدی) هاتە ئەنجام دان،ب ئامادەبوونا نوونەرێن بنگەهێ لالش تایێ شنگال و نڤیسینگەهێن بسەرڤە و نوونەرێن لژنا پارتی دیموكراتی كوردستان و رێڤەبەرێ كەمپێ و پۆلیسان و جەماوەرەكی زۆر،دئەنجام دا تیما خالد دنای سەركەفت و ناسناڤ ب دەست خۆڤە ئینا.
ب پشكداریا 12تیمان ئەڤ قارەمانی هات ڤەكرن و بۆ ماوێ دوو هەفتیان بەردەوام بوو.
ل داویێ خەلات بسەر سەركەفتیێن ئێك و دوو دا و دادڤان و گۆلكەرێ قارەمانیێ و باشترین یاریزان و گۆلپارێز و باشترین تیم هاتنە بەلاڤكرن.
تُتاح هذه الصورة أيضا في: کوردی