بنگەهێ لالش ئەلمانیا:ب هەلكەفتا جەژنا سەرسالا ئێزدیان..
ب هەلكەفتا هاتنا جەژنا سەر سالا ئێزدیان،گەرمترین و جوانترین پیرۆزباهیان پێشكێشی گشت ئێزدیان ل كوردستانێ و ژ دەرڤە دكەین،ئەڤ جەژنە دبتە ئێك ژ گرنگترین و مەزنترین جەژنێن ئایینێ ئێزدیان كو دكەفتە چارشەمبوویا ئێكێ ژ هەیڤا نیسانێ یا رۆژهەلاتی رێككەفتی 18/4/2018زایینی.
و بڤێ هەلكەفتا پیرۆز،دەرگەهێ بنگەهێ لالش دێ ڤەكری بت ژ دەمژمێر 12:00تا15:00 بۆ رەڤەندا ئێزدیا ل باژێرێ بیلیفیلد و دەردۆران پێخەمەت پێشوازیكرنا خەلكێ خۆ بۆ پیرۆزكرنا جەژنێ و ئیسالە تەنها دێ رێورەسمێن ئایینی ئێنە گێران و هەلكرنا شەمالكان لسەر گیانێ جانگۆریێن كوردستانێ و جانگۆریێن 74فەرمانا و رێزگرتن بۆ گرتیێن ئێزدی ل گرتیخانێن داعش یا تیرۆرستی و چوو ئاهەنگێن كەیخۆشیێ نابن و دێ پێشانگەهەكا هۆنەری بۆ هۆنەرمەندێ شێوەكار”حەمە هاشم” ئێتە ڤەكرن و ب چەندین تابلۆیێن دەربرینێ ژ ئازار و دەردەسەریا رزگاربوویێن ئێزدی ل زۆری و هۆڤاتیا داعشێ كت دێ پشكدار بت.
پاش دەمژمێر سێ ئامادەبوویی و تەڤ ئەندامێن بنگەهی دێ چنە باخچێ رادنبارن ئەو جیێ سالانە ئێزدی لێ خرڤە دبن.
و ئیسالە مە داخواز ژ فەرمانگەهێن شۆلەژێ كر رەخێ راستی ژی یێ باخچەی بدەنە مە چنكو ئەو رووبەر یێ كچكە و تێرا هەموو خێزانێن ئێزدی نا كت و دیسان گەراجا كیرمس دێ بێ بەرامبەر بت.
دیسان داخوازنامە یا گشتی و ئارمانجا مە پاراستنا كلتۆرێ ئێزدیایە و ساخكرنا جەژنێن مە یێن پیرۆزە ل دەرڤە و پێكڤە كۆمبوونا خێزانێن ئێزدی یە و بەلاڤكرنا گیانێ خۆشی و لێبۆرینێ یە.
جەژنا وە پیرۆز بت.
راگەهاندنا بنگەهێ لالش_ئەلمانیا
تُتاح هذه الصورة أيضا في: کوردی