“بوویەران سەلماند كو كوردستانا ئازاد ئەو تاكە هیڤی و یا داویێ یە بۆ ئێزدیان”
جەژنا سەرسالێ،سەرێ سالا ئێزدیان لسەر مە دەرباز دبت،و جڤاكێ ئێزدی هێشتا یێ ژ كاریگەریا هێرشا رێكخراوا داعش یا تیرۆرستی دنالت،ئەو ژی پتر ژ 70%ژ ئێزدیان هێشتا یێ دژیانا ئاوارەیێ دا دژین دوور ژ ئەردێ باب و باپیران و ب تایبەت ل شنگالا بریندار.
بۆ سالا چارێ لدووڤ ئێك جەژنا سەر سالێ دگێرین،و هێشتا پتر ژ سێ هەزار كچ و زارۆكێن مە گرتی و بێ سەرووشوونن د دەست داعش دا،و سەرباری رزگاركرنا گشت دەڤەرێن ئێزدیا،و ئەوێن پتریا وان هاتینە رزگاركرن ب قوربانیدانا پێشمەرگەیێ قارەمان،و بڤێ چەندێ پرانیا خەلكێ مە كەیفخۆش بوو و دەست ب ڤەگەریانێ كرن بۆ دەڤەرێن خۆ ل شنگال،بەلێ روودانێن ئوكتۆبەرێ ل هەیڤا كانوونا ئێكێ ل سالا بۆری هیڤیێن وان ژ دەست دان و ڤەگەریان بۆ دەمەكی نەی دیار پاشخست،ژبەر روودانێن بسەر شنگال دا هاتین و چاڤەرێ بوونا پاشەرۆژا ڤێ دەڤەرا وێرانبووی و ڤالا ژ خەلكێ وێ یێ رەسەن و سەر هندێ را،دبینن كو جەژنا سەر سالێ و ئازارێن دگەل دا ژیان نووكرە ڤە،ئەڤە وەكو هیڤیەكا نوویە دناخێ ئێزدیان دا بۆ رزگاركرنا گرتیێن مە یێن پتر ژ سێ سالان و هەشت هەیڤان بسەر هندەكان دا دەربازبووین یێن دنالن ژ ئازاردانا جەستەیی و دەروونی.
بوویەرێن ڤێ داویێ ل چەند هەیڤێن بۆری دا سەلماند،كو تاكە هیڤی و یا داویێ بۆ ئێزدیان بۆ قوتالبوونێ ژ تەڤ چەوساندن و فەرمانان ل كوردستانا ئازاد دبە ب سەركردایەتیا سەرۆك مسعوود بارزانی،و ب دبلوماسیەتا کاک نێچیرڤان بارزانی،و كاروانێ رێبازا پارتی دیموكراتی كوردستان یا خەباتكەر بۆ خزمەتكرنا گەلێ كوردستانێ وێ بەردەوام ببە.
ب هەلكەفتا هاتنا جەژنا سەر سالێ لگەل دەستپێكرنا هەوا بانگەشیا هەلبژارتنێن پەرلەمانێ عێراقێ،هیڤیدارن ژ دەنگدەرێن ئێزدی پشتەڤانیا لیستا 184بكن،لیستا پارتی دیموكراتی كوردستان،و ب بەرفرەهی پشكداریێ ل رۆژا دەنگدانێ دا بكن،هەروەسا دخوازن بەربژێرێن ئێزدی یێن خودان شارەزایی دلیستێ دا هەلبژێرن یێن نوونەراتیا ئێزدیان ل ئەنجوومەنێ نوونەرێن عێراقێ یێ بێت دا دكن.
و پیرۆزباهیا تەڤیا ئێزدیان دكەین ب هەلكەفتا جەژنا سەرسالێ،و هیڤیا خێر و ئاشتیێ بۆ هەموویان دخوازین.
دەستەیا بلندا بنگەهێ لاش یێ رەوشەنبیری و كۆمەلایەتی/دهۆك
١٧ ی نیسانا ٢٠١٨ێ
تُتاح هذه الصورة أيضا في: کوردی