دیاریێن جەژنێ لسەر زارۆکێن ئێتیم و رزگاربووی ل شاریا هاتنه به‌لاڤكرن
تۆرا لالش يا راگه‌هاندنێ
ب هەلکەفتا جەژنا سەرسالێ سەرێ سالا ئێزدیان،دوهى سێ شه‌مبوويێ 17/4/2018،ل هۆلا لالش2 بنگەهێ لالش تایێ شاریا ب هەڤکاری دگەل سەنتەرێ پەناگەهـ ئاهنگەک بۆ زارۆکێن ئێتیم و رزگاربووی یێن ئاوارێن شنگالێ ل کۆمەلگەها شاریا گێرا.
دڤێ ئاهه‌نگێ دا ب ئامادەبوونا ژمارەکا زۆرا کەسایەتیێن حکومی و لژنا ناوچا فەیدێ یا PDK و کادرێن حزبی و مامۆستا و سەمیانێن زارۆکێن سێوی و رزگاربووی یێن ئاوارێن شنگالێ، چەندین برگێن جۆراوجۆر هاتن نمایشکرن مینا (ستران، بەریکانێن جوراوجۆر، پێشاندانا هيکێن سەرسالێ).
هه‌روه‌سا پتری (60) زارۆکێن پشکدار د پرۆژێ پشتەڤانیا دەروونی دا یێ کو دئێتە برێڤەبرن ژلایێ بنگەهێ لالش و سەنتەرێ ناڤهاتی ئامادەبوون و دیاریێن جەژنێ ب سەر واندا هاتن به‌لاڤكرن.
هەژی گۆتنێیە ئەڤ دیاری ب پالپشتیا بەرێز “روبەرت” خۆبەخشێ ناسیارێ ئەمریکی هاتبوونە بەرهەڤکرن و بۆ جارا گەلەکێ یە ناڤبری ب خزمەتا ئاوارێن شنگالێ رادبت و هاریکاریان ژبۆ وان دابین دکت،ژبال خۆڤه زارۆکێن پشکدار ژی دلخۆشیا خۆ دەربرین ژبۆ پێشکێشکرنا ڤان جۆرە دیاریان.
تُتاح هذه الصورة أيضا في: کوردی